Author Topic: مِـهـرَبـانـیـں شـیـرَزالـے ءَ مَـردیـن ءِ بـارَوا گـُـوَشـت  (Read 78 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1175
  • Karma: 44
مِـهـرَبـانـیـں شـیـرَزالـے ءَ مَـردیـن ءِ بـارَوا گـُـوَشـت
رجـانـک : ادَبـی هَـکـیـم
---------------------------------------------------
مِـهـرَبانـیـں شـیـرَزالـے ءَ 17 سـال ءِ آروس ءَ چـہ رَنـد مَـردیـن ءِ کـَـدَردانـی کـُـرت ءُ گـُـوَشـت : مَـردیـں یَـک زیـبـدارتـریـں چـیـزے کـہ الله ءَ جـواں کـُـرتـگ ءُ پـیـش داشـتـگ.
--» آ وَتـی دَسـت ءِ هَـمُـک چـیـز ءَ پـہ وَتـی گـُـهـار ءُ جَـنـیـں چُـک ءُ مَـردیـں چُـک ءُ مـات ءُ جَـن ءُ پـت ءُ نُـمـاسَـگ کـَـولـیـگ کـَـنـت.
--» مَـردیـن اِنـت کـہ آ وَتـی وَرنـائـیءَ ءُ سَـلامـتـی ءَ پـہ وَتـی جَـن ءُ چُـکـاں کـَـولـیـگ کـَـنـت وَهـد ءُ بـے وَهـد کـار کـَـنـت ءُ چـہ کـَـسـے گِـلَـگ ءُ شِـکـاهَـت هَـم نـہ کـَـنـت.
--» مَـردیـن اِنـت کـہ آ وَتـی دوُدمـان ءِ لـوگ ءَ بَـنـدایـت ءُ وَتـی چُـکـانـی بـانـدات ءَ شَـرّ کـَـنـت.
--» مَـردیـن اِنـت کـہ آ مُـدام جُـهـد کـنـت ءُ کـار کـَـنـت وَتـی پـت ءُ مـات ءِ هَـکّـلّ ءُ هُـوکَـل ءُ وَتـی کـارمَــسـتـرءِ زَهـرگِـرَگ ءَ هَـم بَـرداشـت کـَـنـت.
-----» بـلـے پَـدا هَـم مُـدام آئـی ءِ سَـرءَ مَـیـار لَـڈاَنـت«------
---» اَگـاں چـہ لـوگ ءَ دَمـانـے پـہ سَـیـل ءُ نِـدارَگـے ءِ چـارَگ ءَ دَر بـہ کـَـپ ایـت گـُـوَش اَنـت ئِـے زمّـہ داریـں مَـردے نـہ اِنـت ءُ اَگـاں مـاں لـوگ ءَ بـہ نِـنـدایـت گـُـوَش اَنـت ئِـے تَـمـبَـلـیـں مَـردے .
--» اَگـاں آئـی ءِ زَهـگ رَدی بـہ کـن اَنـت ءُ وَتـی زَهـگـانـی سَـرءَ زَهـر بـہ گِـرایـت گـُـوَش اَنـت ئِـے تُـرسّـنـاکـیـں جـانـوار ءُ اَگـاں آیـانـی سَـرءَ زَهـر مـہ گِـرایـت گـُـوَش اَنـت ئِـے آ وَت لـوٹ ایـت کـہ آئـی ءِ زَهـگ هَـراب بـہ بَـنـت.
---» اَگـاں آ وَتـی جَـنـیـن ءَ دَرا پـہ کـار ءِ کـنَـگ ءَ مَـیـل ایـت گـُـوَش اَنـت ئِـے زوراکـی کـَـنـت ءُ اَگـاں آئـی ءَ بِـلّ ایـت گـُـوَش اَنـت ئِـے جَـنـیـن ءِ کـَـٹ ءُ نَـپ ءَ وارت.
---» اَگـاں وَتـی مـات ءِ گـَـپ ءَ گـُـوش بـدارایـت گـُـوَش اَنـت ئِـے مـات ءِ هَـبَـر ءِ سَـرءَاِنـت ءُ اَگـاں جَـن ءِ گـپ ءَ بـہ مَـنّ ایـت گـُـوَش اَنـت ئِـے واگ ئِـے جَـن ءِ دَسـتءَاِنـت.
----» بـلـے پَـدا هَـم دُنـیـا ءِ تـوک ءَ آ یَـکـیـں پـت اِنـت «----
---» آ یَـک هَـنـچـیـں پـتـے کـہ آ  لـوٹ اِیـت کـہ آئـی ءِ چُـک چـہ آ شَـرتِـر بـہ بَـنـت.
---» آ یَـک هَـنـچـیـں پـتـے کـہ مُـدام آ چـہ وَتـی چُـکّـاں رَزا اِنـت ءُ آیـان ءَ هَـیـریـں دُوا کـَـنـت تـوری اَگـاں بـزانـت کـہ آئـی ءِ چُـکّ دَرد نـہ وَراَنـت.
---» آ یَـک هَـنـچـیـں پـتـے کـہ آئـی ءِ چُـکّ مـاں کـَـسـانـیءَ آئـی ءِ پـاداں لَـگـَـت کـن اَنـت ءُ مَـزَنـی ءَ آئـی ءِ دِل ءَ دَرد دی اَنـت بـلـے پَـدا هَـم بَـرداشـت اِش کـنـت.
---» آ یَـک هَـنـچـیـں پـتـے کـہ وَتـی شـرتـریـں چـیـزّ ءَ یـاں وَتـی هَـمُـکّ چـیـزّ ءَ چُـکـّـانـی دَسـت ءَ دَنـت.
---» آ یَـک هَـنـچـیـں پـتـے کـہ اَگـاں آئـی ءِ چُـک روچ ءُ مـاه ءُ اِسـتـال بـہ لـوٹ اَنـت پـہ کـارَگ ءَ رَوت ءُ اَگـاں آئـی ءِ دَسـت بـہ رَس ایـت آزمـان ءَ هَـم پـہ وَتـی چُـکـاں اِیـر گـیـج ایـت.
---» اَگـاں مـات وَتـی چُـکـاں 9 مـاه لاپ ءَ کـَـنـت بـلـے پـت تـاں کـہ آ زِنـدَگ اِنـت وَتـی چُـکـاں مـاں وَتـی اَگـل ءُ پـگـرءَ جـاگـاه دَنـت.
اَگـاں لـوگ ءِ مَـردیـں سَـلامَـت اِنـت گـڑا درُهـیـں دودمـان سَـلامـت اِنـت.
آ شـیـرَزالـیـں جَـنـیـن ءَ گـُـوَشـت هَـمُـک مَـردیـن ءُ پـت ءِ کـَـدردانـی ءَ بـہ کـَـن اِت ، شُـمـا نـہ زان اِت کـہ آ چـیـنـچـو کـُـربـانـی پـہ شـمـا دیَـگءَاِنـت.
اِے نـبـشـتـانـک ءَ پـہ هَـمُـک مَـردیـن ءُ جَـنـیـن بَـهـر بـہ کـن اِت تـاں کـہ مَـردیـں وَشّـهـال بـہ بَـنـت ءُ جَـنـیـن الله ءِ اِے داتَـگـیـں نـیـامَـت ‏ءِ کـَـدر ءَ بـزان اَنـت.
اَے الله مـئـے ءُ مـئـے پـت ءُ مـات ءِ رَدیـاں پَـهِـل ءُ دَرگـُـوَز بـہ کـن ءُ آیـانـی سَـراں هَـنـچـو رَهـم بـہ کـن کـہ آیـان ءَ مـارا مـاں کـَـسـانـیءَ رودیـنـتَـگ – آمـیـن.
[/b]