Author Topic: گـُـٹـیـگـانـی ڈوک ءُ آیـانـی اِلاج  (Read 555 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
گـُـٹـیـگـانـی ڈوک ءُ آیـانـی اِلاج
رجـانـكـار : اَدبــی هَـکـیـم
-----------------------------
گـُـٹـیـگـانـی ڈوک چـہ لَـهـتـے اَسـیـڈ جآوان بَـنـت کـہ آ مـاں گـُـٹـیـگـانـی تـہ ءَ یَـکـجـاه مُـچّ بَـنـت ءُ رَنـدا ڈوک بَـنـت 1- یـوریـک ءِ اَسـیـڈ 2- کـالـسـیـوم 3- پُـسـپُـور 4- اوکـزلایـٹ ءِ اَسـیـڈ .
پَـمـش ءَ آ ڈوک جـوان بَـنـت کـہ مَـردُم سَـکّ کـَـمّ آپ وَراَنـت رَنـدا چـہ گـُـٹـیـگـاں پـیـشـاپ کـَمّ دَر کـَـیـت یـاں کـہ گـُـٹـیـگـانـی تـوک ءَ بُـرزءِ چـاریـں اَسـیـڈ بـاز بَـنـت ءُ یـکـجـاه مُـچّ بَـنـت اِے داب ءَ آ کـَـمّ کـَـمّ ءَ مـاں گـُـٹـیـگـانـی تـوک ءَ چـو هـاک ءِ داب ءَ یَـکـجـاه مُـچّ بَـنـت ءُ رَنـدا آ وَت مـاں وَت گـوں یَـکـدِگِـرءَ لِـچّ اَنـت ءُ دانَـگ دانَـگ ڈوک بَـنـت اِشـی ءِ مَـسـتـریـں سَـوَپ چـہ آپ ءِ کـَـمّ وَرَگ اِنـت ءُ چـو هَـم بـوُت کـَـنـت کـہ اِے نـادراهـی چـہ بـازیـں چَـرپـیـں وَراکـانـی وَرَگ مَـردُم گِـرایـت ءُ چـو هَـم بـوُت کـَـنـت کـہ اِے نـادراهـی مَـردُم ءَ چـہ آئـی ءِ دوُدمـان (خـانـدان) ءِ نـیـمَـگ ءَ گِـرایـت.
مَـروچـاں اِے نـادراهـی سَـکّ بـازاِنـت چـہ هَـرچ بـیـسـت مَـردُم ‏ءِ تـوک ءَ یَـک مَـردُمـےءِ گـُـٹـیـگـاں ڈوک مـان اِنـت چـونـاهـی تـاں گـُـٹـیـگ دَرد مـہ کـَـن اَنـت یـاں گـُـٹـیـگ ءُ پـیـشـدَرد ءِ روتَـکـاں دَرد مـہ کـن اَنـت یـاں پـیـشـدَرد ءِ جِـنـد سَـکّ دَرد مـہ کــنـت مَـردُم سَـهـیـگ نـہ بَـنـت کـہ آیـانـی گـُـٹـیـگـاں ڈوک مـان اَنـت دَرد ءِ سَـوَب اِش اِنـت کـہ ڈوک چـہ وَتـی جـاه ءَ سُـراَنـت ءُ گـوں پـیـشـاپ ءِ زور ءَ آ لـوٹ اَنـت چـہ گـُـٹـیـگـاں دَر بـہ کـَـپ اَنـت یـاں آ مـاں گـُـٹـیـگـانـی گـُـٹ ءَ پَـسّ اَنـت ءُ یـاں کـہ آ چـہ گـُـٹـیـگـاں دَر کـَپ اَنـت مـاں گـُـٹـیـگـانـی ءُ پـیـشّـدَرد ءِ دَرمـیـانـی روتَـکـانـی تـوک ءَ پَـسّ اَنـت یـاں کـہ آ مـاں پـیـشـدَرد ءِ تـوک ءَ کـایَـنـت ءُ پَـسّ اَنـت گـڑا مَـردُم ءِ کـَـش سَـکّ دَرد کـَـنـت رَنـدا مَـردُم ءِ کـَـش ءُ سـریـن دَرد کـن اَنـت رَنـدا لاپ ءِ بُـرز ءِ نـیـمَـگ هَـم دَرد کـَـنـت یـاں کـہ مَـردُم ءِ پـیـشـدَرد هَـم سَـکّ دَرد کـَـنـت دَرد چـو دَریـا ءِ چَـولانـی داب ءَ کـایَـنـت هَـرچ چَـولـے کـہ کـَـیـت یَـک سَـکّـتـریـں دَردے کـارایـت رَنـدا مَـردُم ءَ شـانَـگـے سَـرءَ کـَـپ ایـت ءُ گـَـرمـیـں تَـپـے هَـم کـارایـت رَنـدا پـیـشـاپ ءِ رَنـگ بَـدَل بَـنـت بَـرے سَـکّ زَرد بَـنـت ءُ بَـرے گـُـلابـی رَنـگ بَـنـت ءُ بَـرے سُـهـریـں رَنـگ بَـنـت داکـتـر ءِ پـٹ پـول کـنَـگ ءَ رَنـد زانَـگ بـیـت کـہ گـُـٹـیـگـاں ڈوک مـان اَنـت.
گـوں مُـلـکـی دَوا ءُ دَرمـانـاں ڈوک اَگـاں کـَـسـانـیـں ڈوک بـہ بَـنـت وَ دَر کـایَـنـت بَـلـے اَگـاں آ مَـزَنـیـں ڈوک بـہ بَـنـت گـڑا آ مَـردُم ءَ دِرّ ءُ دوچـے سَـرءَ دی اَنـت دگـہ یَـک گِـهـتـریـں اِلاجـے اِش اِنـت کـہ آ گـوں نـوکـیـں زَمـانَـگ ءِ لـیـزَر مـشـیـن ءَ پـروشَـگ ءُ دَر کـنَـگ بَـنـت بـلـے آسـانـتـریـں ءُ شَـرتـریـں دَرمـان مُـلـکـی دَرمـان اَنـت کـہ آ نـہ بـازیـں زَرّے هَـرج کـن اَنـت ءُ نـہ بـازیـں تَـچ ءُ تـاچـے سَـرءَ دی اَنـت بـلـے هَـمُـک داکـتـر مَـردُمـان ءَ بـاز آپ وَرگ ءِ سَـرءُ سـوج ءَ کـنَـگءَاَنـت.
مُـلـکـی دَرمـان اِش اَنـت :
وَراک وَرگ ءِ چـار چَـمـچَـہ پُـرّ چـہ زیـتـون ءِ روگِـن گـوں چـار چَـمـچـہ ءِ پُـرّ چـہ لـیـمـبـو ءِ آپ هـور کـنَـگ بـہ بَـنـت ءُ سُـهـب ءِ نـاشـتـہ ءَ پـیـش وَرَگ بـہ بَـنـت پَـدا هَـمـے داب ءَ چـار چَـمـچَـہ پُـرّ چـہ زَیـتـون ءِ روگـن گـوں چـار چَـمـچَـہ پُـرّ چـہ لـیـمـبـو ءِ آپ هـور کـنَـگ بـہ بَـنـت ءُ نـیـمـروچ ءِ وَهـد ءَ وَرَگ بـہ بَـنـت پَـدا شـپ ءَ وَپـسَـگ ءَ پـیش هَـمـے داب ءَ چـار چَـمـچَہ پُـرّ چـہ زیـتـون ءِ روگـن گـوں چـار چَـمـچَـہ پُـرّ چـہ لـیـمـبـو ءِ آپ هـور کـنَـگ بـہ بَـنـت ءُ وَرَگ بـہ بَـنـت تـاں سَـے شَـپ ءُ سَـے روچ هَـمـے دَرمـان مـاں هَـمـے وَهـداں وَرَگ بـہ بَـنـت بـلـے دَرمـانـانـی وَرگ ءَ ءُ رَنـد آپ بـاز وَرَگ بـہ بـیـت ، اِنـشـاءالله مَـردُم ءِ دَرد هَـم چـہ سَـرءَ رَواَنـت ءُ گـُـٹـیـگـانـی ڈوک هَـم دَرکـایَـنـت ءُ کـَـپ اَنـت.
کـیـٹـگ ءُ هَـنـار ءِ  شَـربَـت هَـم وَرَگ ءَ بـاز شَـرّ اِنـت اِے هَـم جـوانـیـں کـار کـن اَنـت.
رَیـهـان ءِ تـاکـاں گـوں چـاه ءَ بـہ جـوشـیـن ئـے ءُ بُـوَرئـے هَـم بـاز شَـرّاِنـت .       
[/b]