زَهـگ ءَ وَتـی جِـنـد چَـکـّـاسّ کـُـرت !!..
رجـانـکـار : ادَبــی هَـکـیـم
--------------------------------------
زَهـگـے مـاں دُکـّـان ءَ پُـتِـرت ءُ آئـی ءَ چـہ دُکـان ءِ واهُـنـد ءَ لـوٹ اِت کـہ چـہ آئـی ءِ دُکـان ءِ گـوانـکـو یَـک مَـردُمـے ءَ گـوانـک بـہ جَـنـت دُکـان ءِ واهُـنـد ءَ گـوانـکـو ءِ نـیـمَـگ ءَ اِشـاره کـُـرت زَهـگ ءَ گـوانـکـو ءِ لـمـبَـر جَـت اَنـت دُکـّـان ءِ واهُـنـد زَهـگ ءِ گـَـپـاں گـوشـدارَگ ءَ لَـگّ اِت جَـنـیـنـےءَ گـوانـکـو چـسـت کـُـرت زَهـگ گـوں آ جَـنـیـن پـہ ادَب گـَـپ جَـنَـگ ءَ لَـگّ اِت ، زَهـگ ءَ جُـسـت کـُـرت بـی بـی تـئـی لـوگ ءَ کـار نـیـسـت ؟ مـن بـے کـارآں ءُ لـوٹ آں مـاں تـئـی لـوگ ءَ کـار بـہ کـَـن آں !!.. جَـنـیـن ءَ گـوَشـت مـنـی لـوگ ءَ یَـک بَـچَـکـے کـارءَاِنـت مـن ءَ دگـہ کـارگـَـرءِ اَزکـار نـہ اِنـت ، زَهـگ ءَ گـوَشـت بـی بـی مـن ءَ کـارءَ بـدار مـن پـہ نـیـم مُـزّ تـئـی لـوگ ءَ کـار کـن آں !!.. جَـنـیـن ءَ گـوَشـت آ بَـچَـک وَتـی کـارءَ شَـرّی ءَ کـنـگءَاِنـت ءُ مـن ءَ دگـہ کـَـس ءِ اَزکـار نـیـسـت بـلـے زَهـگ ءَ گـوَشـت بـی بـی مـن تـئـی لـوگ ءَ هـم سَـپـا کـن آں ءُ تـئـی لـوگ ءِ بـاگ ءَ هَـم سَـپـا کـن آں ءُ تـئـی لـوگ ءِ چـاگِـرد ءَ هَـم چـہ دَرا سَـپـا کـن آں !!.. جَـنـیـن ءَ گـوَشـت پَـهِـل کـن مـن ءَ دگـہ مَـردُم ءِ اَزکـار نـہ اِنـت !!.. زَهـگ ءَ گـوانـکـو بَـنـد کـُـرت ءُ بـچـکـَـنـدَگ ءَ لَـگّ اِت دُکـّـان ءِ واهُـنـد چـہ زَهـگ ءِ هِـمّـت ءُ آئـی ءِ وَشّـتـبـی هَـبَـکـّـہ بـوُتـگ اَت آئـی ءَ گـوں زَهـگ ءَ گـوَشـت پـرواه نـیـسـت مـن تـرا مـاں وَتـی دُکـّـان ءَ کـار دَی آں تـو کـارءِ پـگـرءَ مـہ کـن !!.. زَهـگ ءَ کـَـنـداِت ءُ گـوَشـت واجـہ مـن مـاں هَـمـے جَـنـیـن ءِ لـوگ ءَ کـارءَآں اودا مـنـی کـار بـازّ شَـرّاِنـت ءُ اِے جَـنـیـن مـنـی سَـرءَ سَـکّ مِـهـرَبـان اِنـت مـن بَـسّ وَتـی جِـنـد ءَ چَـکّـاس کـُـرت کـہ آ جَـنـیـن چـہ مـنـی کـارکِـرد ءَ وَشّ ءُ رَزا اِنـت یـاں نـہ ؟!!!...
[/b]
