Author Topic: کـُـران ءِ مَـنّـوک ءُ وَتـن ءِ دوسـتـداروک  (Read 925 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
کـُـران ءِ مَـنّـوک ءُ وَتَـن ءِ دوسـتـداروک
نـبـشـتـانـکـار : داکـتـر رشـاد لاشـيـن
رجـانـکـار : ادبـی هَـکـیـم
--------------------------------------
کـُـران ءَ یَـک شَـرّیـن ءُ لاهِـکـیـں رَهـبَـنـدے پـہ وَتـَـن ءِ دارَگ ءُ کـَـدردانـی کـنَـگ ءُ آئـی ءِ آبـاد کـنَـگ ءَ پـہ مـا گِـچـیـں کـُـرتـگ آ مَـردُم کـہ کـُـران ءِ رَهـبَـنـد ءَ زوُراَنـت ءُ وَتـی دِلـگـوش ءَ گـوں کـُـران ءِ رَسـم ءُ رَواج ءَ کـَـن اَنـت آ مَـردُم گـیـشـتِـر وَتـی وَتـن ءَ دوسـت داراَنـت وَتـی وَتـن ءَ چـہ هَـمُـک تَـمـاهـداریـں زوراکـاں پَـهـریـز کـَـن اَنـت ءُ وَت ءَ پـہ وَتَـن ءَ کـَولـیـگ کـَـن اَنـت پَـرچـے کـہ آ زان اَنـت کـہ وَتـن ءِ دوسـتـدارَگ ءُ آبـاد کـنَـگ ءُ پَـهـریـز کـنَـگ ءُ دیـمـا بَـرَگ دیـن ءِ یَـک پَـرزے ، الله ءِ یَـک اِبـادَتـے ءُ زِگـرے ءِ کـنَـگ اِنـت.
اِسـلامـی راجـدَپـتـر وَت اِے گـَـپ ءِ گـَـواه ءُ مَـنـانِـک اِنـت : پـیـسَـرءَ کـَـے ءَ مـئـے وتَـن چـہ زوراکـاں آجـو کـُـرتـگ اَنـت ؟ کـَـے ءَ 10 لَـکّ شَـهـیـد مـاں الـجَـزائِـرءِ مُـلـک ءَ کـَـولـیـگ کـُـرتـگ ؟ کـَـے ءَ اِنـگـریـز چـہ مِـصـر ءَ گـَـلّـیـنـتـگ اَنـت ؟ کـَـے ءَ ایـٹـالـی چـہ لـیـبـیـا ءَ تـاچـیـنـتـگ اَنـت ؟ کـَـے پـہ پَـلَـسـتـیـن ءِ آجـوئـی ءَ جُـهـد کـنَـگءَاِنـت ؟ اِے مَـردُم هَـمـا مَـردُم نـہ اَنـت کـہ آ  گـوں کـُـران ءِ آیـاتـانـی وانَـگ ءَ رُسـتَـگ ٹـوُه بـوُتـگ اَنـت اِے هَـمـا مَـردُم نـہ اَنـت کـہ آ وَتـن ءِ راسـتـیـں اَرزِشـت ءَ بَـلَـد بـوُتـگ اَنـت؟ اِے هَـمـا مَـردُم نـہ اَنـت کـہ کـُـران ءَ  بَـلَـد کـُـرتـگ اَنـت کـہ  وَتـی جـان ءُ سـاه ءَ پـہ وَتـی وَتـن ءَ نَـدر بـہ کـَـن اَنـت؟ اِے هَـمـا مَـردُم نـہ اَنـت کـہ کـُـران ءِ رَهـبَـنـد اِش زُرتَـگ کـہ آ وَتـی جـان ءُ مـال ءُ سـاه ءَ پـہ وَتـن نَـدر بـہ کـَـن اَنـت ءُ وَتـی وَتـن ءِ یَـک بـچـیـلّـے ءَ پـہ زوراکـاں مـہ بَـکـش اَنـت ؟ پـاکـیـں کـُـران اِنـت کـہ آئـی ءَ مـارا پـہ وَتـی وَتـن ءِ دوسـتـدارَگ ءُ پَـهـریـزَگ ءَ یَـک جـوانـیـں رَهـبَـنـدے سـبَـک داتـگ .
اِے هَـمـا مَـردُم بـوُتـگ اَنـت کـہ کـُـران ءَ بَـلَـد کـُـرتـگ اَنـت کـہ آ وَتـی وَتـن ءَ اِے داب ءَ پَـهـریـز بـہ کـَـن اَنـت ، مِـسـالـے :
کـُـران ءَ مَـردُم بَـلَـد کـُـرتـگ اَنـت کـہ آ وَتـی وتَـن ءَ مـاں وَتـی دِل ءُ جـان ءُ شَـهـوُر ( ضـمـیـر) ءِ تـوک ءَ زِنـدَگ بـداراَنـت ءُ مُـدام پـہ وَتـی وَتَـن ءَ چـہ هُـدا نـیـکـیـں دُوا بـہ لـوٹ اَنـت چـو کـہ چـہ ( حـضـرت ابـراهـیـم عـلـیـه الصـلاة و الـسـلام ) ءِ دَپ ءَ اِشـکـُـنَـگ بـوُتـگ کـہ آئـی ءَ چـہ هُـدا پـہ وَتـی وَتَـن ءَ نـیـکـیـں دُوا لـوٹ اِتـگ ﴿وَإِذْ قَالَ إِبْرَاهِيمُ رَبِّ اجْعَلْ هَذَا الْبَلَدَ آمِنًا وَاجْنُبْنِي وَبَنِيَّ أَنْ نَعْبُدَ الأَصْنَامَ (35)﴾ (إبراهيم) ﴿وَإِذْ قَالَ إِبْرَاهِيمُ رَبِّ اجْعَلْ هَذَا بَلَدًا آمِنًا وَارْزُقْ أَهْلَهُ مِنْ الثَّمَرَاتِ مَنْ آمَنَ مِنْهُمْ بِاللَّهِ وَالْيَوْمِ الآخِرِ﴾ (البقرة: من الآية 126.
کـُـران ءَ مَـردُم بَـلَـد کـُـرتـگ اَنـت کـہ آ وَتـی وَتـن ءِ کـَـدردانـی ءَ بـہ کـن اَنـت ءُ زوراکـانـی سـرءَ جـهـاد بـہ کـن اَنـت ءُ بـہ مـڈ اَنـت.  اِسـلام ءِ تـوک ءَ جـهـاد ءِ یَـک مـول ءُ مُـرادے وَتـن ءِ پَـهـریـزَگ اِنـت پـہ وَتـی وَتـن ءِ یَـک بـچـیـلـے ءِ بَـرَگ ءَ مُـلـک ءِ هَـمُـک مـسـلـمـان ءِ سَـرءَ پَـرزاِنـت کـہ آ زوراکـانـی سَـرءَ جـهـاد بـہ کـن اَنـت ءُ وَتـی وَتـن ءِ یَـک بـچـیـلـے ءَ بَـرَگ ءَ مَـیـل اَنـت.
کـُـران وَتـی مَـنّـوکـاں هَـمـے داب ءَ رودیـن ایـت کـہ آ مُـدام وَتـی مُـلـک ءِ سَـلامَـتـی ءُ وَتـواجَـهـی ءِ کـَـدرءَ بـہ زان اَنـت ءُ چـہ وَتـی وَتـن ءَ پـه زور ءُ زوراکـی کـَـشّـگ مـہ بَـنـت .
کـُـران وَتـی مَـنّـوکـاں سَـرپَـد کـَـنـت کـہ اَگـاں آ چـہ وَتـی وَتـن ءَ پـہ زور کـَـشّـگ بـہ بَـنـت اِشـی ءِ بـزانـت اِے نـہ اِنـت کـہ آ پَـدا وَتـی وَتـن ءَ پَـچ مَـہ گِـراَنـت ءُ آجـو مـہ کـن اَنـت اِے گـَـپ ءَ بـزان اِت کـہ مـئـے مَـهـتـر ءُ پـیـگـَـمـبَـر هَـم چـہ وَتـی وَتـنـاں پـہ زور کـَـشّـگ ءُ دَرکـنَـگ بـوُتـگ اَنـت بـلـے آیـاں پَـدا آتـکـگ ءُ گـوں زوراکـاں مِـڈاِتـگ اَنـت ءُ وَتـی وَتـن ءُ راج اِش چـہ زوراکـاں آجـو کـُـرتـگ اَنـت.
 کـُـران ءَ مـارا گـوَشـتَـگ کـہ آ مَـردُم کـہ پـہ زور چـہ وَتـی وَتـن ءَ کـَـشّـگ ءُ دَرانـڈیـهـ کـنَـگ بـہ بَـنـت یـاں مـاں وَتـی وَتـن ءِ تـوک ءَ کـُـشَـگ بـہ بَـنـت آ مَـردُم هُـدا ءِ گـوَرءَ اِزتـدار بَـنـت .
کـُـران ءَ وَتـی مَـنّـوک بَـلَـد کـُـرتـگ اَنـت کـہ آ وَتـی مُـلـک ءِ درانـڈیـهـ کـُـرتـگـیـں مَـردُمـاں مَـدَت بـہ کـن اَنـت ءُ وَت ءَ گـوں آیـانـی دَرداں شَـریـدار بـہ کـن اَنـت ، آیـاں گـوں دوسـتـی ءُ مـال مَـدَت بـہ کـن اَنـت تـاں روچـے کـہ پَـدا آ مـاں وَتـی وَتـن ءَ واتَـرّ بـہ کـن اَنـت .
کـُـران ءَ وَتـی مَـنّـوک بَـلَـد کـُـرتـگ اَنـت کـہ وَتـن ءِ اَرزِشـت ءُ اِنـسـان ءِ زنـدَگـی ءِ اَرزِشـت یَـکّ کِـسـاس اَنـت اِنـسـان ءَ هَـنـچـو کـہ وَتـی زِنـدَگـی دوسـت اِنـت آئـی ءَ وَتـی وَتـن هَـنـچـو دوسـت بـہ بـیـت یَـک اِنـسـانـےءَ چـہ آئـی ءِ وَتـن ءَ گـَـلّـیـنَـگ آئـی ءِ کـُـشَـگ ءِ کِـسـاسءَاِنـت پَـرچـے کـہ وَتـن ءِ دوسـت دارَگ ءَ گـوں اِنـسـان ءِ جِـنـد ءِ دوسـت دارَگ ءَ سـیـادی هَـسـت .
 کـُـران ءَ مـارا بَـلَـد کـُـرتـگ کـہ یَـک راجـے ءِ وَتـن ءِ سَـرءَ زوراکـانـی اُرُش کـنَـگ یَـک مَـکـرے ءُ آ لـوٹ اَنـت کـہ یَـک راجـے ءِ اِزّت ءُ شَـرَپ ءَ پـادمـال بـہ کـن اَنـت ءُ آ راج ءِ آجـوئـی ءَ وَتـی زُلـم ءُ زوراکـی ءِ بَـنـدیـگ بـہ کـن اَنـت ءُ آ راج ءِ هَـکّ ءَ پـہ زور پَـچ بـہ گِـراَنـت.
الله ءَ مـاں وَتـی کـتـاب ءِ تـه ءَ مـارا کـَـول داتَـگ کـہ آ نِـزورے کـہ زوراکـاں چـہ وَتـی وَتَـن درانـڈیـهـ کـَـن اَنـت ءُ تـاچـیـن اَنـت مَـن پَـدا آئـی ءَ وَتَـن ءَ واتَـرّ کـن آں هَـمـے داب ءَ کـہ نَـبـی ءَ زوراکـاں چـہ مَـکـّـہ ءَ گـَـلّـیـنـت بـلـے الله ءَ کـامـیـات کـُـرت ءُ واتَـرّ کـُـرت.
کـُـران ءَ وَتـی مَـنّـوک بَـلَـد کـُـرتـگ اَنـت کـہ وَتـن ءِ آجـوئـی ءُ راج ءِ وَتـواجَـهـی اِنـسـان ءِ اِزّت ءُ شَـرَپ اِنـت وَتـن ءِ دَر رَمـبـیـنَـگ ءُ تَـچَـگ بـے اِزّتـی ءُ مَـرگ اِنـت ﴿أَلَمْ تَرَ إِلَى الَّذِينَ خَرَجُوا مِنْ دِيَارِهِمْ وَهُمْ أُلُوفٌ حَذَرَ الْمَوْتِ فَقَالَ لَهُمْ اللَّهُ مُوتُوا ثُمَّ أَحْيَاهُمْ إِنَّ اللَّهَ لَذُو فَضْلٍ عَلَى النَّاسِ وَلَكِنَّ أَكْثَرَ النَّاسِ لا يَشْكُرُونَ (243) .
اِے آیَـت پـہ هَـمـا راجـاں آتـکـگ کـہ آ وَتـی وَتـن ءَ زوراکـانـی دَسـت ءَ یـلـہ داتَـگ ءُ تَـتـکـگ اَنـت گـڑا آ بـے اِزّت بـوُتـگ ءُ مُـرتـگ اَنـت. 
" اِمـام مـحـمـد عـبـده " اِے آیَـت ءِ بـارَوا گـُـوَش ایـت بـے اِزّت بـیَـگ ءُ مِـرَگ ءِ بـزانـت اِش اِنـت کـہ آیـانـی وَتـن بـزاں لـوگ چـہ دَسـت ءَ پَـچ گِـرَگ بـوُتـگ ، آیـانـی رَسـم ءُ رَواج بَـدَل کـنَـگ بـوُتـگ ، زوراک ءَ آیـانـی هِـمّـت چـہ دِلاں کـَـشّ اِتـگ ءُ تُـرس ءَ مـاں آیـانـی دِلاں جـاگـَـہ داتَـگ ، زوراک ءَ آیـانـی آجـوئـی ءُ وَتـواجَـهـی  چـہ دَسـت ءَ پَـچ گِـپـتَـگ ءُ آیـانـی گـُـلام کـُـرتـگ رَنـدا آیـانـی مُـچّـی ءُ تـپـاکـی چـہ دَسـت ءَ شـتـگ آ یَـکّ یَـکّ بـوُتـگ ءُ گـار بـوُتـگ اَنـت آ راجـے کـہ تـپـاک مـہ بـیـت وَتـی مُـچّـی ءَ گـار کـَـنـت کـَـمّ کـَـمّ ءَ آ راج ءِ مَـردُم مـاں وَت مـاں وَتـی آڑ ءُ جَـنـجـالانـی تَـہ ءَ چـیـر تَـرّاَنـت.
کـَـمّ کـَـمّ ءَ آ راج ءِ مَـردُم وَتـی هَـسـتـی ءِ مـارِشـت ءَ نـہ کـن اَنـت مـاں وَتـی وَتَـن ءِ تـہ ءَ وَت ءَ دَرآمَـدانـی داب ءَ مـاراَنـت آیـانـی زِنـدَگـی ءَ هِـچّ دابـیـں بـزانـتـے نـہ بـیـت آ شَـمـوش اَنـت کـہ هَـکّ ءِ لـوٹـگ یَـک سُـنّـتـے ءُ آئـی ءِ پَـچ گِـرَگ یَـک پَـرزے .
یَـک مُـسُـلـمـانـیـں وَتَـنـے ءِ سَـر ءَ اَگـاں هَـمُـک دابـیـں زوراکـے اُرُش بـہ کـَـنـت آ زوراک ءِ سَـرءَ جـهـاد کـنَـگ ءُ آئـی ءَ چـہ وَتـی وَتـن ءَ جَـنَـگ ءُ گـَـلّـیـنَـگ ءَ آ وَتـن ءِ مَـردمـانـی پَـرزاِنـت.
کـُـران ءَ مَـنـاه کـُـرتـگ گـُـوَشـتـگ کـہ مُـسُـلـمـان گـوں زوراکـاں هَـوار مـہ بَـنـت ءُ پـہ یَـک راجـے ءِ وَتَـن ءِ سَـرءَ اُرُش کـَـنَـگ ءُ آ راج ءِ گـُـلام کـَـنَـگ ءَ زوراکـاں مَـدَت مـہ کـن اَنـت.
کـُـران ءِ مَـنّـوکـانـی سَـرءَ هَـرام اِنـت کـہ آ چـہ وَتَـن ءِ دُژمِـن ءَ لَـبّ ءُ لالِـچ بُـوَراَنـت ء زوراک ءَ پـہ آ راج ءِ سـرءَ زُلـم کـنـگ ءَ بِـلّ اَنـت کـُران ءَ گـوَشـتـگ کـہ گـوں زوراکـیـں راجـاں مُـسـلـمـانـانـی گِـنـد ءُ نِـنـد هَـم مَـنـاه اِنـت هُـدا اِے کـار ءَ نـہ مَـنّ ایـت کـہ  یَـک راجـے آدگـہ راج ءِ مُـلـک ءُ لـوگ ءِ سـرءَ اُرُش بـہ کـَـنـت ءُ آ مُـلـک ءُ راج ءِ هَـسـتـی ءَ پـہ وَت بـہ بـارت ءُ آ راج ءِ اِزّت ءُ شَـرَپ ءَ پـادلَـپـاش بـہ کـَـنـت چُـشـیـں کـارانـی کـَـنـوک اِنـسـانـیَـت ءِ دُژمِـن اَنـت چـہ اِسـلام ءُ اِسـلام ءِ رَهـبَـنـد ءَ دَر اَنـت اِشـاں گـوں اِسـلام ءِ رَهـبَـنـد ءَ تَـمَـردی کـن اَنـت ءُ هُـدا ءِ هُـکـم ءَ نـہ مَـنّ اَنـت اِشـانـی سَـرءَ جـهـاد کـنَـگ ءُ چـہ آ مُـلـک ءَ تـاچـیـنَـگ هَـمُـک مُـسُـلـمـان ءِ پَـرزاِنـت.
هُـدا اِے گـَـپ ءَ نـہ مَـنّ ایـت کـہ آئـی ءِ مَـنّـوک زوراکـانـی مَـدَت ءَ بـہ کـن اَنـت یـاں زوراکـانـی زُلـم ءُ زوراکـی ءَ بـہ گِـنـداَنـت ءُ هِـچّ مـہ گـُـوَش اَنـت آ زوراکـاں کـہ دَسـت اِش چـہ بـے گـُنـاهـانـی هـونـاں هُـونـیـن اَنـت آ هُـدا ءِ کـُـران ءَ دَسـت جَـت نـہ کـن اَنـت گـڑا چـونَـکـا مُـسـلـمـان گـوں زوراکـاں هَـوار بَـنـت ءُ آیـاں مَـدَت کـن اَنـت.
اِسـلام ءَ وَتـن ءِ دوسـتـدارَگ ءُ وَتَـن ءِ پَـهـریـزَگ ءَ مـارا سـپـارِشـت کـُـرتـگ ءُ گـوَشـتـگ وَتـن ءِ کـَـدردانـی کـنَـگ ءَ بَـرکـت مـان اِنـت وَتـن اِنـسـان ءِ دیـن ءُ مـال ءُ جـان ءُ اِزّت ءُ شَـرَپ ءِ بُـنـجـاه اِنـت اَگـاں بُـنـجـاه ءِ چـار دیـوال زوراکـانـی دَسـت ءَ پـروشـگ بـہ بـیـت زوراک اِنـسـان ءِ هَـمُـک چـیـزّ ءَ گـوں هـاکـاں هَـوار کـن اَنـت.
اَے الله مـئـے وَتـن ءَ چـہ زوراکـاں آجـو بـہ کـن ، اَے الله مـئـے راج ءَ چـہ زوراکـانـی بَـنـدیـگ آجـو بـہ کـن ، اَے الله مـئـے وَتـن ءِ سَـرمَـچـاراں کـامـیـات بـہ کـَـن ، اَے الله مـئـے وَتـن ءُ مـئـے راج ءَ پَـدا یَـکـجـاه مُـچ بـہ کـن ، اَے الله مـئـے وَتـن ءَ یَـک وَتـنـے ءُ مـئـے راج ءَ یَـک راجـے بـہ کـن – آمـیـن ، هَـنـچُـش بـات.
----------------» آسَــــــــــــــــــــر «-------------------   
[/b]