Author Topic: هَـرءِ اَگـلـمَـنـدی ءُ اِنـسـان ءِ بـے اَگـلـی  (Read 698 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1183
  • Karma: 44
هَـر ءِ اَگـلـمَـنـدی ءُ اِنـسـان ءِ بـے اَگـلـی
رجـانـکـار : ادَبـی هَـکـیـم
-----------------------------------------
هَـرءِ کـُـرّگ ءَ مـیـتَـگ ءِ هَـر ءُ کـُـرّگ مُـچّ کـُـرت اَنـت ءُ وَتـی پـت ءِ گـُـوَرا آورت اَنـت آئـی ءِ پـت مـیـتَـگ ءِ هَـرانـی کـَـمـاش اَت هَـر ءِ  کـُـرّگ ءَ گـُـوَشـت مـنـی پـت مـن گِـنـدَگءَآں ءُ اِشـکـُـنَـگءَآں کـہ اِنـسـان تـئـی بـے اِزّتـی ءَ کـنَـگءَاَنـت !!!... پـت ءَ گـُـوَشـت تـو چـہ اِنـسـانـاں مـنـی بـارَوا چـے دیـسـتَـگ ءُ چـے اِشـکـُـتـگ؟!!!... کـُـرّگ ءَ گـوَشـت مـن اِنـسـان ءِ پـت ءُ چُـکـے دیـسـت پـت وَتـی چُـک ءَ گـُوَشـگءَاَت بَـس کـن هَـر تـو چـو هَـر ءِ داب ءَ بـے اَگـلـے ئـے !!!...مـن یَـک اُسـتـادے دیـسـت آ وَتـی شـاگِـرد ءَ گـُـوَشـگءَاَت بَـس کـَـن تـو هَـرے ئـے ءُ سَـرپَـد نـہ بـئـے !!!... مـن یَـک جَـنـیـنـے دیـسـت آ وَتـی مَـرد ءَ گـوَشـگءَاَت بَـس کـن تـو چـو هَـرءِ داب ءَ نـازانـتـے ئـے !!!... تـئـی بـاز بـے اِزّتـی بـیَـگءَاِنـت بـانـدات ءَ کـہ مـن مَـزَن بـہ بـاں مـن نـہ لـوٹ آں اِنـسـان مـن ءَ تـئـی داب ءَ بـے اَگـلـیـں هَـرے بُـگـوَش اَنـت !!!... آدگـہ هَـرءُ کـُـرّگ هَـبَـکـّـہ بـوُت اَنـت ءُ هَـرانـی کـَـمـاش ءَ چـارَگ ءَ لَـگّ اِت اَنـت کـہ آ وَتـی چُـک ءَ چـے پَـسّـو دَنـت هَـرانـی کـَـمـاش ءَ وَتـی گـُـٹ شـاکـاراِت ءُ گـوَشـت مـنـی چُـکّ تـو اِنـسـانـاں مـچـار آ وَت بـے اَگـل ءُ نـازانـت اَنـت مـا هَـراں چـہ اِنـسـانـاں اَگـلـمَـنـدتِـر ءُ زانـتـکـارتـرایـں پَـمِـش ‏ءَ آیـاں مـئـے سَـرءَ زَهـر کـَـیـت !!.. اِنـسـان هَـمُـک روچ وَت مـاں وَت جَـنـگ ءُ کـُـشـت ءُ کـوش اَنـت بـلـے شـمـا دیـسـتـگ کـہ هَـر وَت مـاں وَت کـُـشـت ءُ کـوش بـہ بَـنـت؟!!!.. تـو اِنـسـانـانـی گـپ ءَ گـوش مَـدار مـنـی چُـک آ وَت بـے اَگـل ءُ نـازانـت اَنـت بـلـے آ وَتـی بـے اَگـلـی ءُ نـازانـتـی ءَ نـہ مَـنّ اَنـت!!!...
[/b]