Author Topic: بـلـوچـسـتـان ءِ آجـوئـی رَهـبَـنـد  (Read 456 times)

0 Members and 1 Guest are viewing this topic.

Offline Adabi Hakim ادبی ھکیم

  • Balochi Zaantkaar
  • ***
  • Posts: 1181
  • Karma: 44
بـلـوچـسـتـان ءِ آجـوئـی رَهـبَـنـد - بَـهـر (1)
رجـانـکـار : ادَبــی هَـکـیـم
-----------------------------» پـیـشـگـال «--------------------------
بـلـوچـسـتـان بـلـوچـانـی بـیـهـ ءُ بُـنـدَر اِنـت بـلـے مـروچـی آ وَتـی سـرزمـیـن ءِ واجَـہ نـہ اَنـت بـازیـں اَڑ ءُ جَـنـجـالـے اِے مُـلـک ءُ اِے راج ءِ سـرءَ کـَـپـتـگ یَـکـے چـہ آ اڑ ءُ جَـنـجـالاں نـوزدَهُـمـی ءُ بـیـسـتُـمـی کـَـرنـانـی تـوک ءَ بـوُتـگ کـہ بـلـوچـسـتـان ءِ سَـرءَ پـہ زورءُ زوراکـی ارُش کـنـگ بـوُتـگ ءُ بـلـوچـسـتـان ءِ جِـنـد زورگـیـری کـنَـگ بـوُتـگ ءُ آ  زورگـیـری ءَ بـلـوچ ءُ بـلـوچـسـتـان ءِ دیـمـرَوی اوشـتـاریـنـتَـگ بـلـوچ راج ءِ دیـمـا رَوَگ ءَ نـہ اِشـتَـگ .
مـاں 1666 ءِ مـیـلادی سـال ءَ بـلـوچـسـتـان ءِ آجـویـں هَـنـد ءُ دَمَـگـانـی بـلـوچ تُـپـاک بـوُتـگ اَنـت ءُ یَـک تـپـاکـیـں دَولَـتـے اِش پـہ وَت جـواں کـُـرتـگ آ تـپـاکـیـں دَولَـت ءِ سـیـاسَـت ءَ گـوں وَتـی هَـمـسـاهِـگـیـں مُـلـکـاں یَـک شَـرّیـں هَـمـسـاهِـگـی رَهـبَـنـدے جـواں کـُـرتـگ.
مـاں آ زَمـانَـگ ءَ بـلـوچـسـتـان ءِ راجـدَپـتـری ءُ سـیـاسـی ءُ جُـگـراپـی هَـدّ ءُ سـیـمـسَـراں مـیـر نـصـیـر خـان بـلـوچ ءِ وَهـد ءُ زَمـانَـگ  (1794- 1749) ءِ مـیـلادی سـال ءَ گـیـشّـیـنَـگ بـوُتـگ ءُ زانَـگ بـوُتـگ اَنـت .
اِنـگـریـز ءِ بـادشـاهـی ءَ مـاں 13/11/1839 بـلـوچـسـتـان ءِ سَـرءَ اُرُش کـُـرتـگ ءُ آئـی ءَ آجـویـں بـلـوچـسـتـان ءِ پـہ زور ءُ زوراکـی زورگـیـری کـُـرتـگ " اِنـگـریـز ءِ سـیـاسَـت اِے بـوُتـگ  کـہ مُـلـکـے ءِ تـوک ءَ نـاتـپـاکـی جـواں بـہ کـن ءُ مـاں آ مُـلـک ءَ بـادشـاهـی بـہ کـن " اِنـگـریـز ءِ سـیـاسَـت ءَ بـلـوچـسـتـان پـہ سَـے جـاه ءَ ءُ هَـمـا داب ءَ کـہ آئـی ءَ وَت لـوٹ اِتَـگ بَـهـر کـُـرتَـگ مـاں 1871 ءِ مـیـلادی سـال ءَ روایـرنِـشـتـی بـلـوچـسـتـان ( گـُـلـڈ اسـمـیـت ءِ نَـکـش ) کـاجـاریـانـی دودمـان ءِ دَسـت ءَ دیَـگ بـوُتَـگ دومـی بَـهـر ( دوُرَنـد ءِ نَـکـش ) مـاں 1893 ءِ مـیـلادی سـال ءَ اوگـانـانـی دَسـت ءَ دیَـگ بـوُتَـگ ءُ اِنـگـریـزءَ وَت مـاں روایـِرنِـشـتـی بـلـوچـسـتـان ءِ تـہ ءَ هـاکـُـمـی کـُـرتَـگ .
--------» دیـمـا رَوان اِنـت «---------
[/b]

Offline Adabi Hakim ادبی ھکیم

  • Balochi Zaantkaar
  • ***
  • Posts: 1181
  • Karma: 44
Re: بـلـوچـسـتـان ءِ آجـوئـی رَهـبَـنـد
« Reply #1 on: February 20, 2019, 12:21:01 AM »
رواِیـرنِـشـتـی بـلـوچـسـتـان ءِ زورگـیـری کـنَـگ ءُ دارَگ گـوں کـاجـاری دوُدمـان ءَ دِیـر لَـگّ اِتـگ بـلـے مـاں بـیـسـتُـمـی کـَـرن ءِ اَولـی دَهـر ءَ کـاجـاری دودمـان ءِ واجَـهـی چـہ دَسـت ءَ شُـتَـگ مـاں 1916 مـیـلادی سـال ءَ انـگـریـز ءِ بـادشـاهـی ءَ روایـرنِـشـتـی بـلـوچـسـتـان ءِ هـاکـُـم پـہ بـلـوچـسـتـان ءِ هـاکـُـمـی کـنَـگ ءَ مَـنّ اِتـگ اَنـت بـلـے پَـدا مـاں 1928  مـیـلادی سـال ءَ رَزا خـان ءِ لَـشـکـَـرءَ روایـرنِـشـتـی بـلـوچـسـتـان ءِ سـرءَ اُرُش کـُـرتـگ ءُ روایـرنِـشـتـی بـلـوچـسـتـان مـاں وَتـی دَسـت ءَ کـُـرتـگ .
بـلـے بـلـوچـسـتـان ءِ راج هِـچـبَـر چـہ وَتـی آجـوئـی ءِ لـوٹ ءَ پُـشـت ءَ نـہ کِـنـزاِتَـگ مـاں 1920 مـیـلادی سـال ءَ بـلـوچـانـی جَـنـگ گـوں اِنـگـریـزءِ بـادشـاهـی بَـنـگـیـج بـوُتـگ ءُ تـاں 27 سـال بـلـوچـاں گـوں اِنـگـریـزءِ بـادشـاهـی جَـنـگ کـُـرتـگ.
 مـاں 11/8/1947 مـیـلادی سـال ءَ مـاں نـوکـیـں دِهـلـی ءِ تـوک ءَ ءُ چـہ اِنـگـریـز ءِ بـادشـاهـی ءِ نـیـمَـگ ءَ بـلـوچـسـتـان ءِ آجـوئـی جـار جَـنَـگ بـوُتـگ آجـوئـی ءِ جـار ءَ اَمـریـکـا ءِ نـیـویـورک تـایـمـز روچـتـاک ءَ مـاں 12/8/1947مـیـلادی سـال ءَ شِـنـگ کـُـرتـگ .
مـاں 15/12/1947 مـیـلادی سـال ءَ بـلـوچـسـتـان ءِ مَـجـلِـس ءَ بـلـوچـسـتـان ءِ آجـوئـی ءَ جـار جَـتـگ ءُ گـوں مَـجـلـس ءِ سَـرانـی  تـپـاکـی ءُ شَـور ءُ سَـلاه ءَ آجـوئـی ءِ یَـک تـپـاکـیـں رَهـبَـنـدے جـواں کـُـرتـگ ءُ مَـنّ اِتـگ مـاں 4/1/1948 مـیـلادی سـال ءَ بـلـوچـسـتـان ءِ راجـی سَـرانـی مـجـلـس ءَ آ تـپـاکـیـں رَهـبَـنـد پَـسُـنـد کـُـرتـگ ءُ مَـنّ اِتـگ .
پـاکـسـتـان ءِ اِسـلامـی جَـمـهـوری آجـوئـی مـاں14/8/1947 مـیـلادی سـال ءَ جـار جَـنـگ بـوُتـگ پـاکـسـتـان ءِ اِسـلامـی جَـمـهـوری ءَ گـوں بُـنـگـیـجـی وَتـی دُژمِـنـی گـوں بـلـوچـاں پـیـش داشـتـگ آئـی ءَ هَـمـا اولـی روچ پـہ بـلـوچـسـتـان ءِ سَـرءِ پـیـتـاپ  ءَ وَت ءَ یَـک روچـگِـریـں تـهـاری یـے زاهِـر کـُـرتـگ گـوں بُـنـگـیـجـی ءَ پـاکـسـتـان ءِ سَـراں بـلـوچـسـتـان ءِ سَـریـں سَـرداران ءَ سُـهـریـں چَـمّ پـیـش داشـتـگ اَنـت 8 مـاه ءَ رَنـد ءُ مـاں 27/3/1948 مـیـلادی سـال ءَ پـاکـسـتـان ءِ لَـشـکـَـرءَ بـلـوچـسـتـان ءِ سَـرءَ اُرُش کـُـرتـگ آئـی ءِ لَـشـکـَـرءَ بـلـوچـسـتـان پـہ زور ءُ زوراکـی گـپـتَـگ. 
--------» دیـمـا رَوان اِنـت «---------
[/b]

Offline Adabi Hakim ادبی ھکیم

  • Balochi Zaantkaar
  • ***
  • Posts: 1181
  • Karma: 44
Re: بـلـوچـسـتـان ءِ آجـوئـی رَهـبَـنـد
« Reply #2 on: February 20, 2019, 12:22:11 AM »
اِے زورگـیـری ءَ بـلـوچ راج ءِ هَـکّ پـادلَـپـاش کـُـرت اِے کـار چـہ جـهـان ءِ راجـانـی پـگـر ءَ دَراَت بـلـے کـَـسـے ءَ بـلـوچ ءِ هَـکـرَسـی  نـہ کـُـرت ءُ آئـی اِش اِنـسـاپ نـہ دات بـلـوچ اِش یـلـہ دات کـہ آ وَت وَتـی هَـکّ ءَ واتَـرّ بـہ کـنـت مَـروچـی روچ پـہ روچ بـلـوچ ءِ چَـمّ پَـچ بـیَـگ ءُ آ گـیـشـتِـر آگـاه بـیَـگءَاِنـت مَـروچـی بـلـوچ زانَـگءَاَنـت کـہ زُلـم ءُ زوراکـی آیـانـی راجـی سـریـن ءَ پـروشَـگ ءُ نـابـوُد کـنـگءَاِنـت اَگـاں مَـروچـی بـلـوچ اِے زُلـم ءُ زوراکـی ءِ دیـمـا مـہ اوشـت اَنـت آ چـہ بـلـوچ دوُدمـان ءِ کـَـٹ ءَ کـَـشّـگ بَـنـت ءُ مـاں وَتـی پـیـریـنـانـی بـیـهـ ءَ بـے هِـچّ بَـنـت .
بـلـوچـسـتـان ءِ باپـاری ، جَـهـمـنِـنـدی ، سـیـاسـی ، زانـت ءُ زانِـشـی ءُ کـانـوُدی کـاربـار دَرامَـدانـی دَسـتءَاَنـت بـلـوچ اِش پُـشـت ءَ داشـتَـگ ءُ آئـی ءَ پـہ نـیـم چَـمّـے هَـم چـارَگ ءَ نـہ اَنـت ، اِے کـار هَـمُـک روچ  بـلـوچ ءِ نـیـزگـاری ءَ پـہ شَـهـمـات جَـنَـگءَاِنـت بـلـوچ مـروچـی چـہ وَتـی دود ءُ ربـیـدَگ ، زبـان ، رَسـانـکـدَر ، سـاز ءُ زیـمـل ، هُـنـرءُ اِزمـکـاری ءِ دیـمـرَوی کـنـگ ءَ هَـم بـے بَـهـر کـنـگ بـوُتـگ زوراک بـلـوچ ءِ سَـردار ءُ رَهـشـونـاں هُـگـم دَیَـگءَاِنـت کـہ آ بـلـوچ ءَ پـہ زوراکـانـی نَـپ ءُ سـوُت ءِ هِـزمَـت کـنَـگ ءَ لاچـار بـہ کـن اَنـت زوراکـاں بـلـوچـسـتـان ءَ یَـک لَـشـکـَـرجـاهـے جـواں کـُـرتـگ ءُ بـلـوچ راج اِش مـاں سَـے مَـزَنـیـں بَـنـدیـگـجـاهـاں بَـنـد کـُـرتـگ.
اِے داب ءَ زوراکـاں بـلـوچـسـتـان ءَ یَـک دیـنـی ءُ مَـزهَـبـی کـارجـاهـے جـواں کـُـرتـگ هَـرچ مُـچّـے پـہ دگـہ یَـک مُـلـکـے ءِ نَـپ ءُ سـوُت ءَ جـاک ءُ کـوکّـار کـنَـگءَاِنـت هَـرچ مُـلـکـے ءَ پـہ وَت بـے سُـدّ ءُ بـے سَـمـاهـیـں جـهـادی لَـشـکـَـر مـاں بـلـوچـسـتـان ءِ تـوک ءَ جـواں کـُـرتـگ آیـان ءَ وَت مـاں وَت مـیـڈیـنَـگءَاَنـت چـہ هَـرچ نـیـمَـگ ءِ کـُـشـت ءُ کـُـشـار ءَ بـلـوچ ءِ هـون رچَـگءَاَنـت بـلـوچـسـتـان ءِ نـا اَمـن کـنَـگ پـہ زورکـانـی مـانَـگ ءَ یَـک مَـزَنـیـں نَـپ ءُ سـوُتـے بـوُتـگ هَـرچ بـلـوچـے کـہ بـہ لـوٹ اَنـت آئـیءَ کـُـش اَنـت.
--------» دیـمـا رَوان اِنـت «---------
[/b]

Offline Adabi Hakim ادبی ھکیم

  • Balochi Zaantkaar
  • ***
  • Posts: 1181
  • Karma: 44
Re: بـلـوچـسـتـان ءِ آجـوئـی رَهـبَـنـد
« Reply #3 on: February 21, 2019, 11:33:38 PM »
بـلـوچـسـتـان کـار بـار ءِ یَـک مَـزَنـیـں بـاپـاری ءُ سَـوداگِـری مُـلـکـے بـوُت کـَـنـت پَـرچـے کـہ بـلـوچـسـتـان سـیـر ءُ آبـادیـں مُـلـکـانـی دَرمـیـان ءَ یَـک مَـزنـیـں آپـسَـرے ، بـلـوچـسـتـان ءِ هَـرچ بَـنـدَرجـاهـے یَـک مُـلـکـے ءِ راه ءَ گـوں وَت نَـزّیـک کـَـنـت ، بـلـوچـسـتـان ءِ دَریـا پـہ مـاهـیـگ ءِ گِـرَگ ءَ یَـک گِـهـتِـریـں دَریـایـے ءُ پـہ مـاهـیـگ ءِ رودیـنـگ ءُ مَـزَن کـنَـگ ءَ هَـم جـوانـیـں جـاگـَـهـے ، بـلـوچـسـتـان پـہ مـالـداری یَـک مَـزَنـیـں کـَـهـچَـرے ءُ پـہ کِـشـت ءُ کِـشـارءَ وَتـی مـٹ ءُ دَروَر وَت اِنـت ، بـلـوچـسـتـان ءِ زُمـیـن چـہ درُهـیـں مـادَنـاں پُـرّاِنـت آ پـہ هَـمُـک دابـیـں اَزبـابـانـی جـواں کـنَـگ ءَ بـاز جـوان اِنـت ، بـلـوچـسـتـان ءِ تـوک ءَ روچ ءُ گـُـوات ءِ تـواکـَـت هَـم سَـکّ بـازاَنـت ، آجـوئـی ءَ رَنـد بـلـوچـسـتـان تـوان ایـت یَـک نـوکـیـں " مـاڈل " مُـلـکـے بـہ بـیـت ءُ گـوں " دیـمـوکـراتـیـک " سـیـاسَـت ءَ زوُت دیـمـرَوی کـَـنـت ، بـلـوچـسـتـان ءِ راج وَهـدے کـہ چـہ زلـم ءُ زوراکـی ءِ تـهـاری ءَ کـَـشّـگ بـہ بـیـت آ مـاں کـَـمّـیـں وَهـدے وَتـی پـادانـی سَـرءَ اوشـتـات کـَـنـت آ پـہ هَـمُـکّ کـارءِ کـنَـگ ءَ چـہ بُـنـدَرءَ مـاهِـر ءُ زانـتـکـاراِنـت ، بـلـوچـسـتـان هَـزاراں سـال پـیـش یَـک کـاربـاری مُـلـکـے بـوُتـگ ءُ مَـروچـی هَـم بـوُت کـَـنـت ، وَهـدے کـہ آجـوئـی کـَـیـت بـلـوچ ءِ دَسـت ءُ پـاد پَـچ بَـنـت آ وَتـی زانـت ءُ زانِـش ءَ پـہ وَت کـارمَـرز کـُـرت کـن اَنـت بـوُت کـَـنـت آ گـوں بـازیـں زانـت ءُ زانِـش ءِ وانَـگ ءَ گـیـشـتِـر دیـمـرَوی بـہ کـَـنـت ءُ مـاں زوُتـیـں وَهـدے وَتـی مُـلـک ءَ گـوں دُنـیـا ءِ آدگـہ مُـلـکـاں هَـمـسَـنـگ بـہ کـَـنـت.
بـلـوچ راج ءِ هَـکّ اِنـت کـہ آ بـے تُـرس ءُ بـے لَـرز ءُ بـے دَرامَـدانـی لَـگـَـتـمـالـی وَتـی راه ءَ وَت گِـچـیـن بـہ کـَـنـت بـلـوچ راج ءِ هَـکّ اِنـت کـہ آ وَتـی مُـلـک ءِ واهُـنـد بـہ بـیـت ءُ مـاں وَتـی مُـلـک ءِ تـوک ءَ وَتـی واجَـہ وَت بـہ بـیـت بـلـوچ ءَ مـاں بـلـوچـسـتـان ءِ تـوک ءَ وَتـواجَـهـی ءُ دگِـر ءِ گـُـلامـی کـنَـگ ءِ تـجـربـه دَسـت ءَ کـَـپـتَـگ اَنـت نـوں آ زانـتـکـار بـوُتـگ کـہ چـونَـکـا وَت ءَ دیـمـا بـہ بـارت کـہ پَـدا مـاں گـُـلامـی ءِ چَـنـگـُـلاں مـہ کـَـپ ایـت.
مـروچـی بـلـوچ ءَ وَت ءَ پـہ درُهـیـں کـارانـی کـنـگ ءَ تَـیـار کـُـرتـگ بَـس پـہ آجـوئـی مَـنـَتـگ کـہ آئـی ءِ مُـلـک ءَ پَـدا یَـک مُـلـکـے بـہ کـَـنـت پـہ اِے کـارءَ هَـم مَـروچـی بـلـوچ تـپـاک بـوُتـگ اَنـت آ لـوٹ اَنـت پـہ وَت " دیـمـوکـراتـک " رَهـبَـنـدے ءِ یَـک نـوکـیـں بـلـوچـسـتـانـے پـہ وَت جـواں بـہ کـن اَنـت کـہ آئـی ءِ تـوک ءَ شَـرَپـدار ءُ اِزّتـداریـں زِنـدے بُـگـوازیـن اَنـت پَـرچـے کـہ " دیـمـوکـراتـیـک " تَـبـیـں سـیـاسَـتـے تـوان ایـت وَتـی مُـلـک ءِ مَـردُمـاں هَـمـسَـنـگ ءُ هَـم وَنـڈ بـہ کـَـنـت اِے نـبـشـتــانـک ءُ آئـی ءِ رَهـبَـنـد یَـک نَـکـشـے کـہ آ مـارا دیـمـا رَوَگ ءِ کـاراں پـیـش دارایـت کـہ مـا پـہ وَتـی مُـراد ءِ مِـنـزِل ءَ زوُتِـر سَـر بـہ بـیـں ءُ وَتـی مُـلـک ءَ زوُت مـاں وَتـی دَسـت ءَ بـہ کـَـن ایـں.
--------» دیـمـا رَوان اِنـت «---------

[/b]