آزمانک :- تھاری مہ بیت
آزمانک :- ما ھما جاگہ دُچارکپ ایں کہ اود ءَ تھاری مہ بیت
آزمانکار :- شاہ منیر بلوچ
شَپ ءِ ساھت نو کلاک ءَ مدام من چہ library ءَ واتر بوت آں دیم پہ وتی کوٹی شُت آں ، منی راہ ئِے سرا یک (girls hostel) ءِ ھست اَت ھمے ھوسٹل ءِ نزیک بلائیں آکوٹ ھست اَت کہ مردماں وتی لوگانی چلوپگ چے رند بوچّاں کار اَنت ھمدا دور ئِے دیانت ھمے گلرز ھوسٹل ءِ گلی( دمک )ءَ سک تھار اَت تھنا ھما کوٹیانی رژنائی چہ دریگاں گندگ بوت اَنت اگاں دریگ بند بوتنا سَک ترسناک ءُ بیمناک بوتگ اَت۔ ھمے ھوسٹل ءِ جنک کہ چیزے وار اَنت پدا پشت کپتگیں ءَ چہ دریگ ءَ ھمے آکوٹ سرا دور دیانت، منی پُشت ءَ انگاہ چیزے ءَ توار کُت من چَک ترینت ءُ چارت، لھتیں بوتل ءِ اِتاں کہ چہ دریگ ءَ یکے ءَ دور دات اں من سر چست کت بُرز ءَ چارت داں مردمے دریگ ءِ دپ سیاہ سیاہ اِنت اوشتاتگ، دمک تھار اِنت کوٹی یے رژنائی ءَ تھنا آئی ساھگ گندگ ءَ پیداک اِنت، من وتی راہ گپت شُت آں دیم پہ وتی کوٹی ءَ۔۔۔۔۔۔۔۔۔۔۔دومی روچ ءَ من پدا چہ (library ) نو کلاک ءَ دراتکاں دیم پہ کوٹی راہدگ بوتاں ھمے کہ من وانتگ ءِ اِتاں پدا ھمشانی بابت جیڑگ ءِ اِتاں من کہ ھوسٹل ءِ نزیک آتک آں منی گْوشاں مردمے ٹہک دیگ ءُ کندگ ءَ اَت من سر چست کُت چاراِت پدا ھمے دریگ ءِ دپ مردمے اوشتاتگ تھنا آئی ساھگ ودی بوھگ ءَ اِنت، ھمے ندارگ ءَ گوش ئے من ءَ پہ وت بُرت آ دریگ ءِ دپ ءَ اوشتگ اَت رژنائی ءِ دیم ءَ وتی کاشیں ملگوراں چنڈّگ ءَ اَت ھمے ساھت ءَ آ سَک من ءَ دوست بوت باریں آ گوں کے ٹہک دیگ ءُ کندگ ءَ اَت من انچو آئی زیبائی ءِ تہ ءَ بیگواہ بوتاں من ھمے مارت کہ آ گوں من ٹہک دیگ ءُ کندگ ءَ اِنت من داں دیر گوں ھمے ندارگ ءَ بیگواہ اِتاں انگائی ءَ منی گوانکو توار کُت من پچلرزت آں گینسارت ءِ کشگ ءَ رند من دیم پہ وتی کوٹی راہدگ بوتاں۔ اے شَپ ءَ داں دیرا من ءَ واب نیآتک من گوں آئی کندگ ءُ کاشیں ملگوراں مشکول ءِ اِتاں منی چماں آ دریگ ءِ دپ ءَ گوں آھوگی بلاد ءُ کاشیں ملگوراں ٹہک دیگ ءُ کندگ ءَ اَت۔۔۔۔۔۔۔سُہب ءَ وتی بام داتگ اَت من چہ واب ءَ پاد آتک آں جانشُشت وتی وانگی زرتاں دیم پہ وانگجاہ راہدگ بوتاں اے روچ ءَ گوش ئے دل سیر اَت دل ھِچ زورگ ءَ نہ اَت کلاس ءِ چَٹ ماس بند اَت دماگ ھچ (gain)کنگ ءَ نہ اَت۔ موکل بوت من دیم پہ library شُت آں سنگت اں باز منت ءُ زاری کُت کہ بیا رواں چیزے وراں بَلے منی دل ھچ زورگ ءَ نہ اَت بس آئی کندگ ءُ ملگوراں گوش ئے منی دل پیسرا سیر کُتگ اَت، من آیانی کرا پَھلی لوٹت آتکاں (لیب) ءَ ادا بی دل وانگ ءَ لگگ ءَ نہ اَت من وداریگ ءِ اِتاں کہ کدی نو کلاک بیت، او کدی دمک تھار بیت تھنا چہ کوٹیانی دریگ ءَ رژنائی ودی بیت اے روچ چہ زمستانی شَپ ءَ کمتر نہ اَت منی چم گوں گھڑیالا یے اِتاں من جیڑگ اِتاں ءُ گوں وت ءَ گپ ءَ اِتاں “ودار چینچو گران اِنت”۔۔۔۔۔۔۔۔۔۔نو کلاک بوت من وتی بیگ بڈا جت دیم پہ تھاریں دمک راہدگ بوتاں اے روچ ءَ نہ زاناں کہ من ءَ پاداں چون آرت ءُ سر کُت من ھمے آکوٹ کرا نِشت آں شریں گینسارت کش اِت۔ من چم چِست کُت آں ھما دریگ چارت چہ دریگ ءَ مرچی کمو رژنائی ودی بوھگ اَت منی ھیال ءَ پردا جتگ اَت من داں دیر ءَ ودار کُت بَلے ادا نا ٹہکانی توار اَت نا رژنائی دیم ءَ آئی ملگور ودی بوتاں، اے ساھت ءَ گوش ئے آزمان منی کوپگانی سرا ایر اَت من بے چاڑ بوتاں۔۔۔۔۔۔۔۔۔۔۔۔من ھیالانی تہ ءَ بیگواہ اِتاں اَنگاہ چہ پُشت ءَ ھمے ٹہکانی توار منی گْوشاں کپت من یکدم پاد آتک آں منی گیمترتگیں ارواہ گوش ئے دوبر زندگ بوت آ گوں دزگوھاراں ٹَہک دیگ ءُ کندگ اَت گوں آئی کندگاں منی تکانسری ھلاس بوت منی تہ ءَ زِکت ودی بوت آ گوں آھوگی بالاد ءَ ،گوں کاشیں ملگوراں کہ کوپگانی سرا شنگ ءِ اِتاں گوشان کوپگ ءِ سرا کپتگ اَت آ چہ دنیا ءَ بے سما اَت شال ءِ کوش ءَ آ را دگہ موجے ءِ تہ ءَ دور داتگ اَت آئی کنڈیگ ءِ زنوُک ءَ گیشتر من ءَ شیدا کُتگ اَت آ کندگ اَت من بس آ را ندارہ کنگ ءَ اِتاں۔۔۔۔۔۔۔۔۔من ءَ آئی زیبائی ءَ ملار کُتگ اَت اے ساھت من ءُ ٹہک دیگ ءُ کندگ ءَ اِتاں آیاں کہ من ءَ کندگ ءَ دیست یکدم آیاں وتی کندگ بس کُت او من ءَ چارگ ءَ اِتاں آئی وتی گوشان سرا کُت ءُ وتی دزگوھار زُرتاں دیم پہ وتی کوٹی راہدگ بوتاں من ھمدا ھُشک سیاہ بوتاں۔۔۔۔۔آئی دریگ ءِ دپ ءِ پردا دور کُت پدا ھمے رُژنائی دیم ءَ وتی ملگورانی چنڈگ لاگت۔۔۔۔۔۔۔۔پدا آئی ٹَہکانی توار منی گْوشاں کپت من آ را چارگ ءَ اِتاں آئی وتی چک ترینت ءُ جھل ءَ چارگ ءَ اَت من جلدی وتی بیگ بڈا جت دیم پہ کوٹی ءَ شُت آں۔۔۔۔۔۔۔۔۔۔۔۔۔۔۔اے دومی شپ اَت کہ منی چماں واب نیست اَت اے روچ ءَ وا من ءَ گنتر واب نہ اتک کہ من آ را دیم پہ دیم ءَ دیستگ اَت کنڈیگیں زنوُک کاشیں ملگور زپتیں رکانی سہری اے ندارگ ءَ منی چمانی تہ ءَ جاگہ کُتگ اَت۔ اے شَپ پدا گوں جیڑگ ءُ مولم اں گوست سُہب ءَ پدا وتی بام دات۔۔۔۔۔۔۔۔۔۔۔۔۔۔۔۔من وانگی زُرتاں راہدگ بوت پہ وانگ ءَ ھوسٹل ءِ دمک ءَ کہ من اتک آں وتی گام دراں کُت اں کہ بَلکیں آ انگت نہ شُتگ وانگ ھمدا اِنت۔ من کہ آکوٹ نزیک ءَ آتک آں آ گوں دزگوھار ءَ ڈن ءَ دراتک من کہ دیست منی پاداں چہ لَرزگ ءِ چست بوت ءُ چہ پیشانی ءِ کرچکاں ھید ودی بوان اَت اے روچ ءَ (جینز) ءِ پادا کُتگ اَت بلوچی پشک ءِ سربراہ گوارا ئے کُتگ اَت سک باز ڈولڈار زیبا اَت مودانی کپ ءِ ڈن ءَ اَتنت۔۔۔۔۔منی دیم روگ ءَ اِت من آئی پُشت ءَ اِتاں آئی یک ءُ دو رَند چک جت ءُ من ءَ چارت من وتی سر جھل کُت۔۔۔۔۔۔۔۔۔۔۔کلاس ءَ دیر اَت کہ بندات بوتگ اَت من لھتیں چیزا پشتکپتگ ءِ اِتاں منی سنگت درست ھیران اِتاں کہ ترا چی اِنت دو روچ بیت تئی mood off اِنت؟ من کند اِت گُشت، نا یار ھِچ نہ بوتگ بس وت انچوش آں چکاس بوھگ اں ھمے واستہ کمے depression ءَ ۔ نوروز منی سنگت نا بلکیں منی واستہ چو برات ءَ بوتگ منی ھبر ءِ چیزے بوت ءَ چہ نوروز چیر نہ بوتگ، نوروز ءِ ھم گپ اَچ من چیر نہ بوتگ آں من چاراں مرچی نوروز من ءَ یل کنگ ءَ نہ اِنت من زانت من ءَ چُست کنت۔۔۔۔۔۔۔۔ آئی کلاگ زُورگ من ءَ جُست کُت ” اڈ ئِے شے مرید ترا گوں کجام ھانی اِشک بوتگ؟
من ھیران بوت ءَ اے چو زانت کہ من اِشک بوتگ ھیر! من پسّو دات نا ڈئِے من کُج ءَ او اِشک کُج ءَ۔
نوروز:- ھاھاھاھا بِل یار وتی کسمانک بازی ءَ یل کن بگوش ترا گوں کے اِشک بوتگ؟
من پسودات:- گوں مُھرک!
نوروز:- واہ چُھپا رُستم واہ، گندا مرد نا آپی اِنت نا سبارگی بِزاں ترا گوں مھرک مھر بوتگ۔۔۔۔۔
من پسودات:- ھو من ءَ مھر بوتگ گوں مھرک!۔۔۔۔۔۔۔۔۔۔نوروز پاد اتک شُت کہ آئی وتی دسٹ گٹی ھست ءِ تنت من وا اَنگت ھمے ھوٹل ءِ کرسی سرا نِشتگ ءِ اِتاں ودار ءَ اِتاں کہ مھرک ءِ کدی موکل بیت، مھرک ءِ وانگجاہ ھمے ھوٹل ءِ دیم ءَ اَت من چوناھا سُہبی سرپد بوت آں کہ آئی نام مھرک اِنت کہ آئی دزگوھار گپت۔۔۔۔۔۔۔۔مھرک موکل بوت آ ڈن ءَ دراتک اں دیم وتی کوٹی راہدگ بوتاں من ءُ آئی پُشت ءَ گون ءِ اِتاں اَنگت ءَ مھرک چک ترینت من ءَ دیست اجکّہ بوت اوشتات گوں تْروندیں گالوار اِنگریزی ءَ من ءَ گُشت ءِ
“what happened with you!!!”
ترا چی اِنت تو مارا follow کنگ ءَ ئے؟ مھرک زہرہ پُر اَت چمے سُہر تریتگ ءِ اِتاں بَلے اے ساھت ءَ من ءَ سک دوست بوت من وتی دل ءَ جیڑ اِت ءُ گُشت تئی مھرک چہ actress کمتر نہ اِنت، دزگوھاراں مھرک دست ءَ گپت ءُ بُرت من بِچکندگ ءِ جَت چہ مھرک ءِ زی اں سری بوتاں۔۔۔۔۔۔۔۔۔۔بازیں نِندگ ءُ جیڑگ ءَ من نادراہ بوت اں کِساس ھپتگ ءِ من مھرک نہ دیست ھشتمی روچ ءَ من شُت آں تھاریں دمک ءَ اے دمک انگت ھما وڑا اَت تھاری، اَبیتکی، چہ دریگاں رُژنائی، بَلے مھرک ءُ ٹہکانی توار گار اَت مھرک ءِ بے تواری ءَ من ءَ گیشتر آبیتک کُت من ءَ سک زھیر بوھگ اَت، ساھت نہ گوست دریگ ءِ پردا کسے ءَ دور کُت ءُ جندے گار بوت ہورکیں دریگ ءَ منی چم سَکے ِاتاں اَنگائی منی پشت ءَ کسے اوشتات بَلے منی چم انگائی ھما دریگ سَکے اِتاں آئی وتی دست منی کوپگ ءِ سرا ایر گُشت “من ایشاں تئی مھرک آں” من چک ترینت چارت آئی سیاھیں ادلس ءِ پوشیتگ اَت سک زیبادار اَت، سرے جھل اَت من ءَ اَنگت باوار کنگ ءَ نہ اَت من وتی دست زُرت آئی زنوُک چست کُت کہ آئی چمانی تہ ءَ ارس ترونگل ءِ اِتاں آئی رنگ زرد تریتگ اَت لُنٹانی سرا ھشکی جاگہ کُتگ اَت، آئی من ءَ گوں گیمرتگیں توار ءَ گُشت “من تئی گوں مہ مھر اِنت” مہ ھما جاگہ دوچار کپیں کہ اودا تھاری مہ بیت، رُژن مئے سرا ساھیل بہ بیت ودارانی گرانیں ساھت آسر بیتگاں زندگی ءَ نوکیں رنگ دے۔۔۔۔۔۔۔۔۔۔۔۔۔۔۔۔۔۔۔