آس ءِ گولائی ءَ
آس ءِ گولائی ءَ
کاہرنگیں موسمانی آوازیں بانزلاں
تہارونکی ایں زمین
گولائی ءَ منی تہنائی ڈھول جنت
رچیت وتی سُر ءِ نوک رُستگیں پٹُاں
تُرسانی چیدگ انت
نشانی انت بے وسی
چوں غارے ءَ بروت درگیتک مہ کنت وت ءَ
من انچو بے وساں دستاں وتی ءَ وت
یک نیمگے زر ءِ تنیگیں ساھل انت
یکے نیمگے منی بیمانی جنگل انت
آواز ءِ بانزلاں پتکگ وتی سفر
آزمان چو دِرتکگیں شال ءَ انت بے وسی
ھر مُرگ ءِ لنککاں بستگ گوں زیمر ءَ
ھدا ءِ من ڈاکخانہ ءَ وتی ارسانی گُڈی ترمپ
ھربہ کہ دیم ندات
مرچی کہ من وت ءَ آدینک ءِ قد کناں
لُک انت گشے منی چمانی آبرو
آس ءَ را سُوتک من آس ءِ تہا ھدا
بیا شیرکنین منی ارساناں واد جن
وابانی آزگیں ٹپاناں واد جن
آس ءَ را واد جن
گوات ءَ را بل ھدا
مئے کشک ءَ بھر کنت
دست ءَ گراں ھدا مرچی تیگ ءَ من
یک انچیں جاگہ ئے
تو ھم نہ دیستگ ات
من ھم ترا نہ دیست
عابد علیم