اتنی سی بات تھی جسے افسانہ کردیا۔ شمس الرحمان فاروقی
اتنی سی بات تھی جسے افسانہ کردیا
فکشن یک انچیں میدانے کہ ادا راستی ءَ را بیرگ ءَ راستی ءِ زگریں صورت ءَ پیش ندارنت( آ دگہ گپّے بقول پولش ناول نگار اولگا توکارچک ئیگ ءَ کہ ارسٹوٹل ءَ گشتگ Fiction is a kind of truth)۔ الم یا وَ اِیشی ءَ skewed کن اَنت یا ایشی ءِ کشک ءَ تاب دئینت ءُ وانوک ءَ را راستی ءُ دروگ ءِ میان ءِ بارگیں راہ ءِ سرا فکر کنگ ءَ پہ کڈن کن اَنت۔ افسانہ ءِ جند چی یے؟ یورپ ءَ افسانہ ءَ گیش ناول پسند کنگ ءُ وانگ بیت۔ واشگنٹن ہارونگ ءِ بنداتی کِسھاں افسانوی رنگ گون اَت بلئے ایڈگرلین پو ءِ کِسّہ ءَ افسانہ پن ءُ افسانوی مواد [ ingredients] ھَوار اتنت پمشکہ آئی ءِ گورا مارا افسانہ شریں وڈے ءَ داست کپیت۔ زمان ءُ مکان ءُ زبان ءَ آ کشتر انسان کور، گنگ ءُ کَرّ اِنت۔ پمشکہ ہرچیز بیت آ زبان ءِ دائرہ بیت ءُ زبان الم یک زمانگے ءَ ءُ یک وھدے ءَ اِنت۔ افسانہ ءِ ( بقول شمس الرحمن فاروقی) مستریں لوٹ بیانیہ اِنت۔ بیانیہ ءَ انگریزی ءَ Narrative گشنت۔ شعر ءِ، رپوتاژ ءِ ڈاکیومنٹری ءِ یا نیوز رپورٹ ءِ ہم بیانیہ بوت کنت( فاروقی) بلئے آ کجام چیز اِنت کہ افسانہ ءَ چہ آدگراں جتا کنت گپّ ہمیش گیشّینگ لوٹیت۔
منی نزّ ءَ یک شریں افسانہ یے ءِ لوٹ ھپت اَنت۔
1 Plot
2 Setting
3 Atmosphere
4 Characterisartion
5 Theme
6 Point of view
7 Figuratige language& Literary devices
تی کِرا پلاٹ( ارسٹوٹل ءِ نزّ ءَ المیہ ءِ پلاٹ واقعیانی یکیں دومی ءَ گوں علت معلول cause and effect ءِ پیمیں رفت ے بہ بیت) مہ بیت افسانہ پشت کپیت، کردار مہ بیت افسانہ پشت کپیت، جاگہ مہ بیت افسانہ پشت کپیت بلئے تی کِرّا Time sequence مہ بیت گڑا افسانہ پشت نہ کپیت۔ فاروقی ءِ ردا افسانہ چہ شعر ءَ کستریں فارمے۔ آئی ءِ گشگ اِنت کہ ہرچ مزنیں افسانہ نگارے ( آ ویسٹ ءِ گپ ءَ کنت) بندات ءَ ڈرامہ نگارے بوتگ یا ناول نگارے۔ درور چیخوف ءُ ڈکنس اَنت۔
نُوں افسانہ ءِ توکا استادی بزاں کرافٹ ءِ چی اہمیت اِنت ایش یک دگہ مزنیں جیڑھے۔ کرافٹ چناہا آکیٹچری دنیا ءَ باز معناداریت بلئے شعری دنیا ءَ ایشی ءِ کد اینکدر بالا نہ اِنت۔ من کہ انو فاروقی ءِ کتاب افسانے کے حمایت میں ءَ وانگ ءَ اتاں گڑا میان ءَ فاروقی ءَ انور سجاد ءِ افسانہ ءِ بابت ءَ گپ کت کہ مردمانی گشگ انت کہ انور سجاد ءِ افسانہ ءَ کرافٹ ءِ زور اِنت ازم ءِ اِنّاں۔ گڑا آئی ءَ کرافٹ ءِبابت ءَ گپّ کت ءُ منا امین ضامن بلوچ ءِ انوگیں کتاب گیر اتک کہ آئی ءَ بلوچی لبزانک ءُ جدیدیت ءِ بابت ءَ نبشتہ کتگ اَت۔ جھل ءَ ہردوکانی دانک اِیر اَنت۔ کئے راست کئے نہ راست ھدا بزانت۔ بلئے زانتکار گشنت انسان ءِ تخلیق ءِ سئے بھر اَنت۔
Art
Craft
Science
ہارٹ دائم intutive sensing یا وجدانی مارشت ءِ پدا کار کنت، کرافٹ sophisticated techiques ءُ سائنس علم ءِ empirical عینک ءَ دنیا ءَ وانیت۔
۔۔۔۔۔۔
ازمکار اگاں نوکیں کارے مہ کنت ءُ کوہنیں کار ءَ گوں دلگوش بہ بیت، ءُ پدا ہمیشی ءِ سرا کار بکنت گڑا ایشی ءِ ازمی کار ازمے نہ بیت بلکیں ہنرمندی یے( craft) بیت۔ پہ ازمکار ءَ نوکیں ساچشت کاری کنگ آئی ءِ ازمی زند ءِ برجمی اِنت
P 31, Philosophy of art and Balochi literature.
کرافٹ ( اگر اس نام کی کوئی چیز ہے) آرٹ کی ضد نہیں، بلکہ آرٹ ہی کا ایک حصہ ہے۔ لہذا اگر کرافٹ نمایاں ہو تو آرٹ بھی نمایاں ٹھرے گا۔ کرافٹ کے بارے میں یہ گمان کرنا غلط فہمی ہے کہ وہ کوئی چیز ہے جسے ہم افسانے، یا کسی فن پارے سے الگ کرسکتے ہیں۔ اور اس سے بھی بڑی غلط فہمی یہ ہے کہ کرافٹ میں تخلیقی لہر نہیں ہوتی۔ حقیقت تو یہ ہے کہ ذہن کی اپج کے بغیر افسانہ نگار ایک جملہ نہیں لکھ سکتا، شاعر ایک مصرع نہیں کہے سکتا۔ اگر کرافٹ کوئی ایسی شے ہے تو مشینی، بے روح اور معنویت سے عاری ہے تو اس صدی کے سب سے بڑے ناول نگار جیمس جوائز کو ادب کے دائرے سے خارج کردینا چائیے۔
شمس الرحمن فاروقی، افسانے کے حمایت میں، 103 ،102
٭٭٭٭٭٭٭٭٭
گوں شھاب اکرم ءِ منتواری ءَ
٭٭٭٭٭٭٭٭٭
گوں شھاب اکرم ءِ منتواری ءَ