اے دنیا مانشے جوڑاِنت
اے دنیا مانشے جوڑاِنت
۔۔۔۔۔۔۔۔۔۔۔۔۔۔۔۔۔۔۔۔۔۔۔
اے چاگرد ءِ بدیں آدینک ءَ چارئے
تہ چے گندئے
اے بازار ءَ گَمانی بڑّو بارے گوں
دراتکہ!
سفر بُنگیج نہ اِنت انگت
کہ پادءِ تْرابُلانی آبُلہ تْراول بیان اَنت
اے انچیں دلوتیں بنی آدمانی شھر ءُ بازارے
کہ بیوانک اِنت
اے کوریں زندمان ءِ ھر سھدار
نیم مرک اِنت
پہ چنڈے سِرتگیں نانءَ
وتی جندئے تہہ یے انسان ءِ چیھانٹاں
نہ بیت سرپد
اِدا ھرکس وتی آس درْوشمیں مرک ءِ جلاں روک اِنت
نگاھاں دُور شانکئے ءُ چارئے
اے دنیا مانشے جوڑ اِنت۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نعیم وفا