بلوچ ءِ باریگ الّم ءَ کئیت

اے کوه!
مئے ڈیه ءِ پاسپان اَنت
مئے زمین انت ءُ آزمان اَنت
اے گٹّ ءُ گر، اے تلار ءُ سنگر، اے زید ءُ کهچر
اے مسکیں میدان ءُ پٹ ءُ گریشگ!!
اے کَهن ءُ شهجو ءُ کؤر ءُ کیلّگ، بلوچ ءِ شان اَنت
مئے راج ءِ آزاتی ءِ نشان اَنت!!!
مدام اے نعره ءَ جنان اَنت!! داں یک استالے هست مانیت ماں آزمان ءَ!!!
داں روچ ءِ رژناهی هستگار اِنت!
ماں جهان ءَ
داں ماه روک اِنت!!
شپ چراگیں
داں بام رکش اِیت!!
گروک شهم اِیت!!
ما سدّکاں!!
ما دل ءَ یکیماں
بلوچ ءِ باریگ الّم ءَ کئیت!!
بلوچ ءِ باریگ الّم ءَ کئیت!!

مبارک کازی