بِہ رکّیت چون وت ءَ کُنٹگاں منی پرپُک۔ اسحاق خاموش
دستونک
بِہ رکّیت چون وت ءَ کُنٹگاں منی پرپُک
سُرین اَنت پُلّ سرءَ باگ ءِ، ءُ کن اَنت سُک سُک
بروتاں تاب دیاں من ،آ،نشتہ دِیوان ءَ
دمانءُ سہت من ءَ چاریت ،دنت بُروانُک
نوں ،بُکّو ! ایر جن ئے تو منءَ ءُ چکّاس ئے
نوں پشکپیت چہ کُجا کِسّہ ءَ تُشے بانُک!
توئے کہ ملّگاں سابون مال ئے ،غم نہ کن ئے
نہ زاناں ملگّے،آستونک اَنت کمُّکے ءَ لُک
ما بنگ وارتگ ءُ نوں ایمن اِنت ،دِل ءَ مَکّ ایں
زمانہ گردشاں گون اِنت کہ ھانُل اِنت ھانُک
توار اسحاق! گُشئے ریکے ءِ تہا گار اَنت
زِرے تچان اِنت گُشئے دیما،انگہ ھُشک اِنت نُک
اسحاق خاموش
