بیا بیا منی مونج ئے بدل
بیا بیا منی مونج ئے بدل
دیوانگیں دل تئ غماں
دل تئ غماں دیوانگیں
دیوانگ و پروانگیں
سوگندیں تامے شام مار
پرما حرام آف دانغیں
دل گو زہیر و زارہاں
چم چو بہوخیں چمگاں
دف تئ زہیراں زار کنت
وہاوا مناں بے زار کنت
سکھے کھیا غم بہر کنت
غم وث غمے لاچار کنت
بے وس دفا اوفار کنت
تئ گندغا زینہار کنت
دوذا کہ دل چم گومن او
چم تئ ودارا ہاغہوں
دل تئ زہیرانیں زذغ
(چوں) مسکیں بے وسیں بذغ
(چو) زمستاں چٹئے گؤازنغ
بے اولہا تھرونگل گرغ
تیر سینغئے ھون آف دئغ
شہ ایشاں گرانیں اے سہغ
تئ سیغ سینغا جاہ دئغ