تاج بشیر ، تئی مھپر ءِ نوان ءَ دم زوریت ساھگے
دستونک
﴿ تاج بشیر ﴾
﴿ تاج بشیر ﴾
تئی مھپر ءِ نوان ءَ دم زوریت ساھگے
روچے بلیت مۓ چمّاں چاریت ندارگے
اے نوجوانی پاسے قرباں مں چے کناں
پازیب ءَ تئی کہ بستگ اہد ءِ ھزانگے
مھرانی روشنائیں کِشک ءَ دل ءَ مہ رند
بیوانکیں ہجر ءِ شپ اوں زیبائی ءِ دگے
گُژن ءِ چراگ ءِ آس ءَ استار وارتگ اَنت
تئی وابیں آزمان ءَ نیست مارا واھگے
تُنّیگیں گواتے ءَ را سوتکگ دل ءِ دیار
مۓ دیدگ ءِ وتن نوں ھُشکیں تہ نالگے
لُنٹ ءِ ھنر داں انگہ تاج ءَ نہ پھم اتگ
بچکندگانی قہرے یا کوھنیں آزگے