دستونک

ترا دیر اِنت شُت ئے سِند ءَ من ءَ تئی مولماں زرتگ
تکانسر کنت گمے زند ءَ من ءَ تئی مولماں زرتگ

سَھی نئے تو منی ھال ءَ دوشش ماہ اِنت ترا دلبر
کتگ مِنزل گِھیں مند ءَ من ءَ تئی مولماں زرتگ

بدارئے تو اگاں دیر ءَ منی گَھگِیریں دل بلکیں
بہ پروش اِیت سِیمسَرءِبند ءَمنءَ تئی مولماں زرتگ

برو تو تیز ءُ چُست ءَ او دلی ربّالو پہ دوست ءَ
بدئے ھالاں تو پد رند ءَ من ءَ تئی مولماں زرتگ

گْوش اِیت مرچی وداریگ کہ اَجَب تئی تْرانگءُدوراں
جَتَگ گْورگندے اِے رند ءَ من ءَ تئی مولماں زرتگ

ابدالواھد وداریگ