تو چو کن ۔ لچہ ۔ آبد سُلیمان
تو چو کن۔
آبد سُلیمان
نوکتریں اکسے روان دئے
کہ سک دیر اِیں
تئی دروشم شموشتگ
ترا چہ چنچو سال اِنت
کہ جُتا آں من
ندارگ من کنگ لوٹ آں
تئی گنج ءُ تلائیں یار
جیگ بند ءَ
تئی دوچاں
تئی من نوکتریں اکس ءَ بِہ گند آں
بِہ گند آں بس تئی زیبائیں جلکشے ءَ
تئی تاب ءُ ریسیں آبریشمی میداں
خمار ءُ آھوئیں چماں
شپار ءُ بارگیں پونز ءَ
کمندیں شِل کشّیں گل تئی بُرواناں
مچاچاں ابرمی چار آں
وتی من ایوکی ءَ کن آں مُلما
بس نند آں ءُ ترا چار آں
دل اُوں لوٹ اِیت
پریمے ءَ ٹھین آں
من تئی اکس ءَ
بہ بیت دیوار بھارگاھے
یا آھوگانی چراگ جاھے،