دریگ ءُ دروازگ ۔۔۔۔۔۔۔۔۔ منیر مومن
دریگ ءُ دروازگ ۔۔۔۔۔۔۔۔۔ منیر مومن
ھمینچو شور کننت اے دریگ ءُ دروازگ
من چُنت وھد اِنت وتی گالوار اِش نہ کتگ
دل ءَ کلوہ یے پمن گوں بہ بیت ، دات ئے نہ کنت
نہ اے ابیتکی وتی کسّھے گوں من کاریت
منی اے لوگ ءِ دریگ ءُ دراں شمشتگ کہ
من مردمے آں دلوں لوٹیت کہ ھبر بکناں
برے برے تہ من ءَ شئیرے ءِ کہ ھاجت بیت
اناگہ ءَ وَ سلامے پمن چہ دُور ءَ کئیت
ھمینچو شور کننت اے دریگ ءُ دروازگ
دلوں بہ کَشّیت وتارا سلامے دات نہ باں
تو رپتگ ئے نوں ترا چوں توار پِر بکناں
من چنت وھد انت وتی گالوار اِش نہ کتگ