دَؤر ءُ باری گْوزّنت، آسر بنت
دستونک
“نعیم وفا”
دَؤر ءُ باری گْوزّنت، آسر بنت
دْراہیں مردُم مِرّنت، آسر بنت
زندگی زھگّی لیبویے پُرْشتگ
دل ہمے وڑ پُرْشّنت، آسر بنت
کَـدّہ تُنّیگ اَنت تئی نگاہانی
مُدّ ءُ موسُــم رَوّنت،آسـر بنت
مرچی انسان رسترے جوڑاِنت
وت ، وتا کــہ ورّنت، آسر بنت
روچءِ وتواجہی پدا کئیت اِنت
شپ چــراگاں کُشّنت، آسربنت
چاپ یکدستــیءَ توار نہ کنت
کار ســرجم نہ بنت، آسر بنت
شپ، تہـــاری، نعـــیم، تہنـائی
گوں من اَنچو جُڑّنت، آسربنت