راستیں گپّ ءَ دل ءَ ھرکہ کاریت
گوھر اقبال بالی
راستیں گپّ ءَ دل ءَ ھرکہ کاریت
راج ءِ توکا ھما فتنہ کاریت
حق ءُ باطل تئی داریں گردن
تُنّ ءُ گُژن ءَ ھدا پہ ما کاریت
دست ءُ پاداں کتگ ھون ءِ ھنّی
کُلّیں عالَم ترا پجّا کاریت
تُرس ءُ بیم ءِ سوال پژ نہ کپتگ
ماتی لالے دگہ دنیا کاریت
زھم ءُ اسپر پت ءِ چُکّ ءَ گوننت
پُژ در پُشت ءَ قلم قصّہ کاریت
چپّ ءُ چوٹیں ھمے زند ءِ راھیں
بُرزا بارتیں برے جہلا کاریت
مہر ءُ کینگ سرا سُتکہ ھرچی
درد ءُ سوزمان منی واستا کاریت
شرّ ءُ گندگ ستر زاناں من کہ
اے دنیا ھم ھزار حیلہ کاریت
وھد ءُ ساھت بدل بنتیں اومان
دل ھوشامیں طلب پرچا کاریت
باریں بالی تئی گوما گوھر
سیمی مردم کیا توکا کاریت