دُعا
دل ءِ دم بُرتگ انت، ھسکار یارب
مہ کن درداں چُو مژداہ وار یارب

بہ کن دائم وتی چمدار یارب
نہ انت دُنیا کسی گموار یارب

پُرشان اِنت سگگ ءِ دیوال مُہریں
مہ لڈ گیشیں جہان ءِ بار یارب

دل ءِ زنگاں کئ دیما بہ ریچاں؟
دپا انت ھر کسی اُپار یارب

وتا چے ہر کسا بیزار گنداں
مہ باتاں من چہ وت بے زار یارب

ھما وشی کہ باند ءَ گم بے گوارایت
بہ کن آ وشی ءَ انگار یارب

سُچات انت وت وتی آس مئے دژمن
وتن بات انت گُل ءُ گلزار یارب

جہان ءِ رھمتاں تؤ ایر دئے نوں
منی راج انت شُدیگ ءُ وار یارب

وتی زرنگیں درا چے پروش کوہاں
گم ءِ بُرز ءَ شوتگ کہسار یارب

بدئے بے زانگیں راجی ءَ زانگ
جہان ءَ شر بد ءِ پچار یارب

زاھدہ رئیس راجی