زہیراں، نالگ ءُ پریات ھمراہ۔ زاھدہ رئیس راجی ءِ پربند
زہیراں، نالگ ءُ پریات ھمراہ
پمشکا پیسرا یلدات ھمراہ
دل ءَ چوں رُژنے ءِ واھگ بہ گواھیت
تہاری ءَ کُتگ نوں شات ھمراہ
پہ شات ءِ واھگ ءَ سرسر جتگ من
ھمک گام ءَ رسئیت ناشات ھمراہ
من ءَ وت واھی ءِ ویل ءَ نہ گپتگ
وتا پشگیتگوں، دیم دات ھمراہ
کئےءَ گُشتگ من ءَ چولاناں بُرتگ
تئ نیکیں دُعاایں مات ھمراہ
دُعا ھیر ءِ پُتینکاں زُورگایاں
پکار انت بس ھمیں سوگات ھمراہ
ما درد ءِ پتّر ءَ پیچگ نہ زانیں
مدام انت آزگیں سلوات ھمراہ
ھمیں کینگ ھمیں کَست ءِ کِشارایں
کسرکند ءَ بہ گر کوشات ھمراہ
بزانئے واجہاں، گران ایں گلامی
پہ چُنڈے نانے ءَ شھمات ھمراہ
کسے پہ رد دئیگ دیما نہ کنزاِت
بیبُوتیناں اگاں تئ برات ھمراہ
چنان ایں کُْنٹگاں امروز ءِ راجی
نزانت ایں چے کپیت باندات ھمراہ
زاھدہ رئیس راجی
Comments
زہیراں، نالگ ءُ پریات ھمراہ۔ زاھدہ رئیس راجی ءِ پربند — No Comments
HTML tags allowed in your comment: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>