سرگوست: گوں من ءَ سمل ءِ اجبیں مھر!بیست ءُ پنچمی بھر
سرگوست:
گوں من ءَ سمل ءِ اجبیں مھر!
نبشتہ کار: سکی ساوڑ
بیست ءُ پنچمی بھر
شپ ءِ دَہ ءِ ساھت ءَ من ءُ زرجان مِھرُل ءِ بارو ءَ پون ءَ گپ ءَ اِت ایں کہ یکبرے پد ءَ سمل ءِ پون آھت، من ءُ زرجان داں نیم ساھتے ءَ گپ کرت داں دَہ مسکال ءَ گیش سمل ءِ آھتگ اَت گڑا من سمل پون کرت، سمل ءَ منی پون چست کرت ءُ گوشت” گڑا اینچو بِزی بوگ بوتگ کہ تو بِزی ئے”.
من پسہ دات” اَلمی کارے کہ بیت گڑا الم مردم دزگٹ بیت”.
دگہ جنکے ءَ گوں گپ ءَ نہ بوتگ ئے نا” سمل ءَ من ءَ جُست کرت”؟
من کند اِت ءُ پسہ دات” یکیں تو من ءَ پَہ گپ ءَ بس ئے دگہ کے ءَ گوں گپّ کرت کن آں؟!”
سمل ءَ کند اِت ءُ گوشت” دریگتے کہ تو مدام گوں من ءَ ھمدیوان ءُ ھمراہ بوتیں”.
من گوشت” اگاں منی ءُ تئی بَھت یکجاہ بِہ بِیت گڑا الّم ما ھمدیوان بوت کن ایں، دِگہ ھال کن تو ساری ءَ پرچا گپّ ءِ تہ ءَ پون کٹ کرت”؟
آئی ءَ پسہ دات” وھدے کہ پِس منی کرّ ءَ کیت یا من پِس ءَ را گِند آں گڑا پون ءَ کَٹ کن آں پرچاکہ پِس گوش اِیت ” یکوئی موبائل کارمرز مَہ کن اِت ءُ وتی ھیال ءَ گوں وانگ ءَ بِہ کن اِت پمیشکا من چَہ پِس ءَ ترس آں کہ سک ھَبر دَنت”.
یکبرے پد ءَ منی بالاد ءَ ترسے ودی بوت پرچا نورشاہ وتی زھگانی سر ءَ اینچو زالم اِنت؟! اگاں اے زالم مارا گپ ءُ دیوان ءَ بہ گِند اِیت گڑا پکّا زندگ ءَ زندگ مَن ءَ کَل کنت، چوش مَہ بیت سمل ءِ گپاں رَد بہ کپ ئے ءُ مَدگ ء بے ھون بِہ بَہ ئے، دومی گپ تئی ءُ سمل ءِ آروس ھچ وڑ ءَ بوت نہ کنت پرچاکہ نورشاہ پھک مزھبی مردمے آ چوں وش بیت کہ منی زاماس در مزھبی یے بہ بیت، رَند ءِ ازاب ءَ چَہ گھتر اِنت پیسر ءَ وتی راہ ءَ جتا کن ءُ سمل ءِ گپاں رَد مہ کپ کہ تو گریبیں مردمے ئے اگاں ترا تاوانے بئیت کَسے سرپد نہ بیت انچوش کہ تئی کَش ءُ گْور ءِ لھتیں بے وس بیگواہ اِنت، من کند اِت ءُ سمل ءِ پسہ دات:
” اررررر گڑا تئی پِس پورا ھِٹلر اِنت، اگاں من تئی پِس زاماس بِہ باں بزاں مَنی زندگی ھم شُمے زند ءِ وَڑ ءَ ازاب بیت، من ءَ نوں بیزار اِنت کہ تئی پِس ءِ زاماس بِہ باں، اے نوں شمے ھالے!؟”ھاھاھاھاھا
” اررررر گڑا تئی پِس پورا ھِٹلر اِنت، اگاں من تئی پِس زاماس بِہ باں بزاں مَنی زندگی ھم شُمے زند ءِ وَڑ ءَ ازاب بیت، من ءَ نوں بیزار اِنت کہ تئی پِس ءِ زاماس بِہ باں، اے نوں شمے ھالے!؟”ھاھاھاھاھا
سمل کمو دگہ وڑ بوت ءُ پسہ دات:
” نا اڑے منی پِس زالمے نہ اِنت منی پِس ءَ چوش مہ گوش، بلکیں منی پِس ءِ رھبند مھکم( قانون سخت) اَنت، چوناھا منی پِس سکیں مھروان ءُ رھمدلیں مردمے”.
” نا اڑے منی پِس زالمے نہ اِنت منی پِس ءَ چوش مہ گوش، بلکیں منی پِس ءِ رھبند مھکم( قانون سخت) اَنت، چوناھا منی پِس سکیں مھروان ءُ رھمدلیں مردمے”.
من وتی دل ءَ جیڑ اِت، تئی پِس ءِ مھروانی ءُ رھمدلی ءَ وَ من وت شر سرپد آں منی کرّ ءَ وتی پِس ءِ توسیپ ءَ مہ کن پرچاکہ تئی پِس ءِ اکس وت پدر اِنت کہ چونیں رھمدلے، من پسہ دات” ھیر گڑا تئی پِس ماشاءاللہ باز جْوانیں مردمے”.
ما داں دیر ءَ گپ کرت ءُ بس کرت، سھب ءَ مھلہ من پاد آھت آں، وت ءَ را ٹھینت ءُ اتاشاد ڈگری کالج ءَ شت آں، جُست ءُ پد کرت داں منی چکاس ءِ سلیپ گار اَت، من بورڈ ءَ شت آں داں بورڈ ءَ ھم سلیپ ءِ سوج نیست، من سک پریشان بوت آں اے چونیں وڑے کہ من وتی پارم پُر کرتگ اَنت بلے سلیپ بیگواہ اِنت، گڑا من وتی ھزدار ءِ ھما سنگت ءَ را پون ءَ جُست کرت ” اڑے منی سلیپ کیچ ءَ نہ اِنت، تو زاناں پارمانی تہ ءَ کجام سنٹر ءِ نام نبیس اتگ”؟
آئی ءَ پسہ دات” من ءَ چو یاد نہ بیت پرچاکہ من بازیں سنگتے ءِ پارم پُر کرتگ اَنت، ھیر من کالج ءَ رو آن ءُ جُست کن آں گڑا ترا پد ءَ ھال دے آں”.
سنگت ءَ من ءَ دوازدہ ءِ وھد ءَ ھال دات کہ تئی سلیپ ھمد ءَ ھزدار ءَ اِنت من دست گپتگ، سنٹر ھزدار اِنت، من گڑا دو روچ ءَ پد ھزدار ءَ شت آں، برے من چکاس ءَ گَسّی اِت آن ءُ برے میتگ ءِ دمکاں یلہ اِت آں، بلے من سمل ءَ را درستیں ھال داتگ اِت اَنت کہ منی چکاس ھزدار ءَ اِنت، مے ھال ءُ اھوال برجاہ اَت، چکاس کہ ھلاس بوت گڑا من میتگ ءَ لھتیں روچ نشت آں، دو ماہ سرجم بوگ ءَ اَت کہ من 21 نومبر 2016 ءَ واتر وت ءَ را کراچی ءَ سر کرت ءُ سمل ءِ سر ءَ کلوھے روان دات کہ من کراچی ءَ آھتگ آں”.
مارا بیست روچ ءَ بُرز اَت کہ یکے دومی ءَ گوں ھال ءُ اھوال نہ بوتگ اَت.
اندازگ دہ دمان ءَ پد سمل ءِ پون آھت ءُ من چست کرت، سمل ءَ گوشت” ھال کن تو وش ءُ جوڑ ئے؟ھالاں بہ دے پرچا تئی لمبر بند بوتگ ءُ ھال نہ کرتگ؟ کسم اِنت من سک پریشان بوتگ آں باریں ترا چون اِنت کہ تو وتی لمبر بند کرتگ”.
سمل ءَ یکجاہ وتی بازیں جُستے ایر کرت اَنت، من کند اِت ءُ پسہ دات” اررر اینچو جُست پد ءَ یکجاہ!؟ من وش آں، من ترا پیسر ءَ ھم ھال داتگ اَت کہ مے میتگ ءَ دامگ( نیٹورک) نیست ، ھال ءُ اھوال بوت نہ کنت، تو انگت وت ءَ را پریشان کرتگ”.
آئی ءَ پسہ دات” تو من ءَ ھال داتگ بلے انگت من پریشان بوتگ آں، تو باید اِنت منی ھاتر ءَ کمو دامگ ءَ بیاتکیں، ھما اِنت من تئی پون ءُ کلوھانی ودار ءَ بوتگ آں”.
من مزنیں کندگے جت ءُ پسہ دات” تو وَ پورا من ءَ وتی کرتگ، من میتگ ءَ باز دزگٹ بوتگ آں پمیشکا دامگ ءَ آیگ نہ بوتگ، ھمیش اِنت من نوکی نادراھجاہ ءَ آھتگ آن ءُ گوں ترا گپ ءَ آں”.
سمل ” تو منیگ ئے ءُ ترا من دگہ کسے ءَ را دات کرت نہ کن آں”.
من” مشکل اِنت پرچاکہ تئی راہ جتا اِنت ءُ منی جتا”.
سمل گوں ابکھیں گالوارے ءَ پسہ دات ” اللہ مے راہ ءَ جتا مہ کنت، سکی اے وڑیں گپ مہ کن ، بس یکیں تو رازی بہ بہ ئے مے راہ ءُ منزل یک بنت ان شاءاللہ”.
من کندگے جت ءُ پسہ دات” من ھچ وڑ ءَ رازی بوت نہ کن آں پرچاکہ منی زند چاگرد ءِ بے سریں سانکلاں انچوش بندیگ اِنت کہ ھچ وڑ ءَ من وت ءَ را چَہ اے سانکلاں آجو کرت نہ کن آں”.
سمل” سکی سانکلانی پروش دیگ انسان ءِ مھکمیں ارادہ اِنت، باید اِنت ما کوھنین ءُ وتگڑیں دوداں چَہ وت ءَ را در بہ کن ایں”.
من پد ءَ کند اِت ءُ پسہ دات” من ء سکی ءَ را چُشیں زور مان نیست، اگاں من ترا وتی زند ءِ ھمراہ بہ کن آں گڑا منی سرجمیں سیاد ءُ وارس، سانگبند ءُ گِس ءِ مردم درست دلگران بنت، من نہ لوٹ آں کہ یکیں تئی مھر ءِ دستاں من وت ءَ را بھا بہ کن آن ءُ وتی درستیں مردمانی مھراں زِبھر بہ باں، بلے گوں من چُش بوت نہ کنت “.
سمل ءَ ارمانیں پسھے دات” ھرچی اللہ ءَ پمن ءَ دوست بیت سکی بلے من انگت ترا زانگ ءَ نہ آں کہ تو چِتوریں مردمے ئے کہ ترا پمن ءَ ارمان نہ بیت پورا ترا دل مان نیست یا ترا تو سکیں سنگدلے ئے،! ھیر تو وتی وٹساپ ءَ پچ کن گڑا ھمود ءَ ترا ویڈیو کالے کن آں کہ پہ تو سک زھیر کرتگ”.
من کند اِت ءُ پسہ دات” من ھم لوٹ آں اللہ ھیر بہ کنت، من وت ءَ را وت نہ زان آں کہ چِتوریں ابدالے آں، بلے کمو ودار کن ترا من وٹساپ ءَ ھال کن آں”.
من ریمبو ھوٹل ءَ شُت آں پَٹان ءِ چاھاں سر ءِ درد کم کرت ءُ من واتر وتی کمرہ ءَ آھت آن ءُ سمل ءَ را وٹساپ ءَ کلوھے روان دات، کلوہ ءِ چارگ ءَ پد سمل ءِ ویڈیو کال آھت.
روان اِنت