شف انت
شف آگہہ آنت چماں 
بلوخیں رسترانی من لذاں 
شذ زیندھ ءَ بے وَسّی ءَ زوراخیں گناہے 
کہ کنغی انت
اے راہ ءَ ژہ گوزغی انت

شف انت 
شف آگہہ آنت
پہ پندھ جنے ءَ 
راہ گار انت 
دیر پاندیں مزلے ناسوہویں گامانی ہیل ءَ 
روخ اناں کہنیں چراغے
تھار ماہ ءِ سینغ ء َ داغے

شف انت 
شف آگہہ آنت
پہ درشکے ءَ 
دامن وثی تاخاں اڑائنتو 
گوں گواث ءِ چرکے ءِ دڑتہ
نہ تاخ انت کہ کفنت
نئیں گواث داری یہ دمے 
ساہی ءَ ساہکاٹاں

شف انت
شف آگہہ آنت
پہ مئیں ہواں شیراں
کہ دائیں لوز گارنتش
کہ دائیں پہ گوشغ ءَ 
چو من ءَ نا پیلو انت
تئ دروشماں پجھہ نیارنت

صادق مری