شوهاز ساموی، گاریں مهرگ ، شوهازگی انت..
شوهاز ساموی.. گاریں مهرگ..شوهازگی انت..
مقصود مجروح
شوهاز ساموی بزاں مراد شوهاز ماں 1985 کیچ ءَ ناکو سبزل ءِمیتگ سامی ءَ صوالی ءِ گِس ءَ ودی بوتگ. بنداتی وانگ ئِے چَہ دَهُمی تبک ءَ وتی میتگ ءَ دربرتگ .چوشکہ شوهاز اول ءَ یک نادراه ءُ دوهمی چہ گریبیں گِسےءَ گوں سیادی کنت پمشکا دیمترءَ ونت ئِے نہ کُت..
شوهاز ءَمن هما وهدءَ داں زاناں کہ من چہ وتی میتگ اومری کھن ءَ پنچمی تبک دربرت ءُ دیمترءَ وانگ ءِ هاتر ءَ هائی اسکول سامی ءَشتاں.
1998 ءِ زمانگ ات من ءُ شوهاز یکیں تبک ..کلاس..ءَ وانگ ءَ اتیں وهد گوزگ ءِ همراهی ریتک ریچ بوتیں .شوهازءَوتی وانگی کتابانی همراهی ءَبلوچی ماهتاک ے گون ات.پدا ماهتاک بلوچی ءَ مے سنگتی گیشتر کت پرچا کہ منءُ شوهار یکیں راهءِ مسافر اتیں
وهد گوزان ات مکتب ءِ بے هال نہ بوهوکیں روچ اتاں ماں کہ نہہ و دهمی تبک ءَ سربوتیں گنداں شوهاز ءِکتابانی تہا سیاهیں ڈاهری ےمان بوت .هردیں کہ من ڈاهری ے تاک لیٹنت نبشټہ ات
..شتاں مے پیش تری ایں سر نوں آس ءَ راه نہ توسیت آپ
بجن تیر ءَ زهین کنجر نوں آس ءَ نہ توسیت آپ..
ا
بزاں شوهاز وانگ ے همراهی ءَ نبشہ کنگ بندات کتگ ات..
پدا من ،شوهاز. وانگ ے روچ ..داں دهمی تبک ءَرند جتا بوتیں
بلے هردیں کہ سر پہ کارے ءَ باگیں سامیءَ کپت یا واجہ ریاز رزا اوتاکءَ یا انچو چِبّگ ے مچکدگ ءَ شتاں درویشیں شوهاز دست کپت.
شعری دیوان ات لبزانکی گپ و تران من چاریت نداره کت وتی تن سهڑینت ءُ پدا ،،تپاک لبزانکی مجلس ،،بوت همدا چه من لبزانکی گو کو بندات کت.. گون مزنیں ٹولی ے همراهی ءَ..
وهد پد کنزیت ٹولی شنگ ءُشانگ هرکس پہ دیمے
بلے شوهاز انگہ ترا دست کپیت.شوکیں شعر وانیت بلے پژن وهد ءےمجاں اندیم انت.گاریں مهرگ ے هاکاں کپتگ..شوهاز مارا شوهازگی انت..کہ گار مبیت..
کم ے سیل کن ات..
گزل
کی تو ترانگ ءَ گار ءِ کیا پہ ارسیگے
اے وهدءِزاناں بدیں چاکرانی بندیگے
منی نگاه ءِتلب دوریں پاندےءَرپتگ
شوهازءَنے کہ تہهور ءِنہ مرُگ و ماهیگے
کپوتاں ژانگ وتی پاداں.پہ ترا بستگ
چیانوانءَوتی لوگ ءِنشتگ پرسیگے
رچیت دستاں منی زیمیں زردءِ هوناں گوں
نزانت پرکءَمنی یار هون و هنیگے
شوهاز باریں بدے حالاں چون انت زند تی
ترا من گنداں مروچاں تو سک دردیگے…
تیابیں دل پہ تی هوشام ےپرشگ ندریں
گیابیں زندءِکپودر تو باز تُنیگے
