عاجؔزیں دیدانی، دیدیں ترانگے
( مجید عاجزءِ نامءَ )
“نعیم وفا”
عاجؔزیں دیدانی، دیدیں ترانگے
بالیچہ نالیت مجیدؔیں ترانگے
شائریں شئیرانی لبزاں تِج جَتہ
کوکویے بْرمشیت زیدیں ترانگے
کُچّلیں زہرانی پیالہ تِنگ اِتیں
دانکہ مارا گوں حمیدؔیں ترانگے
“گْوانزگیں مانِشت”ماننت سنگراں
ھون آشوبیں شہیدیں ترانگے
پُلّ اِتاں مہرانی ڈلدیمءِ چِگرد
زاپِراں روزرد زیدیں ترانگے
چاکریں اَھدے پدا اتکہ نعیمؔ
ھانیءَ بئیتیں مریدیں ترانگے
۔۔۔۔۔۔۔۔۔
