*لوگ ءِ نندگ*
*لوگ ءِ نندگ*
دل کشّ اِیت یا ناں
بلےھوپے انچیں اتکگ مردم لاچار اِنت کہ لوگ ءَ بہ نند اِیت، لوٹ ھمش اِنت مردم جند ءِ رکینگ ءِ ھاتر ءَ وت ءَ لوگ ءَ بند بہ کنت
بلّے کہ ما گوشتگ کہ لوگ ءِ نندگ جنینانی کار اِنت،
گپ کیت لوگ ءِ نندگ ئے
، بیت کنت ھپتگے دو ھپتگ یا ماہ ءُ چل روچ گوں
مات ءُ پت چُک چلانگ برات ءُ گھار ءَ
وھد گوازینگ بہ بیت،
بازیں چیز ءُ کسہ دیم ءَ کاینت
چوش کہ لوگ ءِ کٹوک ءُ آروک مردین اَنت،
مرد گند اِیت منی ناپگ چہ سامان ءِ آرگ ءَ کپتگ
اے چیز چوں ھرچ بنت،
اے چیز پیسر ءَ دیم ءَ نیاتکگ اَنت،
لوگ ءِ نندک ءَ پد اے چیز دیم ءَ کاینت،
آ چم ء وت گند اِیت یک نیمگے ءَ مات ھُر جنت ءُ دنت دومی نیمگ ءَ زال، برے مھگلین اِنت برے چارشمبے ءِ نماسگ،
کم کم ءَ مردم ءِ تب ترند بیت،
ھمے پیم ءَ چُکّانی جنگ ءُ چوپ ءَ
سر نہ سگّ اِیت۔
وردنیاں چُک چوں ریچ اَنت ءُ زوال کن اَنت۔
پہ کٹوک ءُ آروک ءَ اے سھت ءُ دمان ءُ اے چیز تورناک اَنت
نی گپ کیت
لوگ ءِ نندگ چوں گوازینگ بہ بیت ءُ چوں پایدہ مند اِنت۔
اے بابت ءَ ھر کسی وتی وڑ ءُ ڈیل اَنت،
باز چیز دربرگ بیت نندگ ءِ تہ ءَ برکت مان.
وھداں ما شپ ءِ ودار ءَ بیتگ ایں
کدی مگرب بئیت شام بہ کن ایں
بلُّک مارا اھمدک ءِ کسہ ءَ بیار اِیت ءُ مم ءُ بلاھانی
وھد بدل بیتگ انت
اے زمانگ ءِ مستریں تُرس شُد لاپی نہ اِنت،
ناں انسان ءِ درانڈیھی ءُ شپ روچی
تچ ءُ تاک لاپ اِنت،
تُرس چُکانیگ اِنت کہ مارا گپچلے ءَ دور مہ دے اَنت،
نشھی مہ بنت ءُ دُزّ ءُ کارزوال
بیا اِت اے لوگانی نندگ ءَ پایدہ مند کن ایں، پہ دل ء سدک چکانی بابت ءَ کار کن ایں،
وش بھت ھما اَنت کہ ھمک روچ اے کار ءَ کنگ ءَ اَنت ءُ نگبھت ھما اَنت کہ مات ءُ پتاں سوج داتگ اَنت،
ھمک پڑ ءِ مردم
باید اے وھد ءَ گرانبھائیں وھدے سرپد بہ بیت وتی چُک ءَ شریں
سوج بہ دنت
قَالُوا إِنَّا كُنَّا قَبْلُ فِي أَهْلِنَا مُشْفِقِينَ
آ گوش اَنت کہ چد ءُ پیسر ما وتی چکانی بارو ءَ ترس ءِ توک ءَ بیتگ ایں
پتانی بابت ءَ پاک تاک گوشگ ءَ اِنت، پت گوشگ ءَ اِنت پیسر ءَ ما وتی چکانی بارو ءَ ترس ءِ توک ءَ بیتگ ایں
گوں دیمروی ءَ مات ءُ پتاں ھم وتی ڈبہ پیلو کنگ یل داتگ کس ءَ پگر پر نیست کہ منی چک گوں کے ءَ نند ءُ نیاد کنت کجا روت ءُ کیت چِہ وھد ءَ لوگ ءَ کیت
ھوش ھما روچ ءَ روت چار مردم لوگ ءِ ڈک ءَ جنت،
پلانی کُج اِنت آئی ءِ چُک ءَ منی دکان پروشتگ پلان کار زوالی کُتگ ۔پرپٹ دُزّ اِتگ
منی چُک ءَ نشھی تئی بچک ءَ کُتگ،
چُک ءِ شرّ بوگ تیوک ءَ شریں زات زریات نہ اَنت،
زمانگ بودناکی ءِ گلام اِنت
“لا نسب الا بالادب”
ھشکیں زات ءُ زُرّیات کار نہ دنت
ادب تربیت المی اِنت ادب
الم ءُ زانت ءِ بود چُک ءَ نامدار کنت
بیا اِت کمو ھمے بابت ءَ جیڑ ایں
چُک ءِ تربیت چوں کنگی اِنت
چوں بیت کنت
یا ایھاالذین امنوا قوا انفسکم و اھلیکم نارا
ایمان والایاں
وت ءَ را وتی چُک ءُ اولاداں چہ آس ءَ بہ رکّین اِت
آس کجام جھان ءِ بہ بیت، اے ڈبّہ مارا دیگ بیتگ ءُ مئے کوپگاں انت باید ما آئی ءَ را پیلو بہ کن ایں۔
ناکو مُراد
رواں