من دوشی٘غی٘ں شفا دیثہ وھاوّ
شائر ابراھیم بزدار
من دوشی٘غی٘ں شفا دیثہ وھاوّ
مئ وھاوا آتکہ چاکر خاں
چاکر ہا ہماں چاکر خاں
کہ رندے زحم جنیں سڑدار اَث
کہ راجئے تھی٘وغے بھو٘تار اَث
من گوئشتا چاکرا میرینا
سڑدار او٘ منی چاکر خاں
شہ دی٘ری مئی٘ں گرا جُستے ای٘ں
مئ دل شی چاکرا پو٘لا کن
پہ گو٘ھر جتنڑی رَندا تئو
جنگے جھو٘ئیثہ سی سالی
براثا رند گوں لاشارا
تئو نیرے رو٘ کثہ چئودھارا
ڈا ھڑدو٘ کفتغاں آسا را
گی٘شتر ستکئو بھجڑتاں
بچو٘خاں وطن پلہرتہ
تئو دہ آوار ثئے آں ہاں گو
ار تئو چپ کثی٘ں آں روشا
ڈا بلوچا پہ مزیں سیثے آ
گوئشتہ چاکرا میرینا
شائر ٹوک تئ جوائیناں
چوکہ تئی دلا ارمانیں
من دو٘راں شہ ترا ودیغا
کئےی٘ا دوست نیاں ڈیہہ و براث
ار آنرشا چاکر چپ بثیں
ڈا مرشی میڑوّ و مُچیاں
کَندِث ہر کسا بولی کث
ما چاکر چاکری چوں منوں
کہ ہہ زالے داشتئ باھوٹی
آں دِے دُژمناں ریسینتہ
منت واری : بلوچی ادبی سنگت کوہ سلیمان ءُ پناہ بلوچ