من کُھنیں دردانی نوکیں زنگءَ نہ سگگ ءَ آں
دستونک
من کُھنیں دردانی نوکیں زنگءَ نہ سگگ ءَ آں
من زند ءِ جانشود ءِ آپ ءِ رنگ ءَ نہ سگگ ءَ آں
من گُلگ ءِ بیماریں ساہ ءِ نام ءَ نفل نہ ونتگ
کہ زلفءِ شپ شنزیں زالی زنگءَ نہ سگگءَ آں
من چَک مہ تریں آ سرمتابانی غم نہ ونتگ
من یاگی تیراں پمشکا ونگ ءَ نہ سگگءَ آں
آ ساھگانی شترتگیں تب بھا گِرگ بنت
من نودءُ نمبانی زاتی جنگءَ نہ سگگءَ آں
اے لب لپرزیں شرابءِ رنگءَرا ائیب مان نیست
من دُوتء تریاکءُ کوھی بنگءَ نہ سگگءَ آں
نوں دل جلالی، نہ بیت جلالی، جلالی جے کے
من بامءِ شیشاریں کوش ءِ ھَنگءَ نہ سگگءَ آں
جےکےجلالی