موسمانی تاکریچیں نیّت ءِ پُرش اِیت کیمت
دستونک
موسمانی تاکریچیں نیّت ءِ پُرش اِیت کیمت
اِے وڑءَ کہ تو گْوشتہ اِے وڑ ءَ نہ بیت مُھبت
چنچو مرچاں مَگرور اِنت شپچراگ مئے وابانی
ما چو بالُو ءَ روکیں سھی نہ اِنت بے ھاجت
دور نشتگ اَرسیگ اِنت مُوجریں پَری زادگ
مرچی درد ءِ پیژگاہ ءَ زندگ اِنت منی میّت
مات ءِ پنت ءُ سوج دْراھیں بستگ آں ماں گرنچے ءَ
ھَو! پِت ءِ ما ھبرانی نوں ورگ کُتگ آدت
پمن چی پشت کپتگ چی دگہ گْوش آں آبد
جی نسیبءَ چارموٹیں،شوم ءُ شانزدھیں کسمت
آبد سُلیمان