مُرتگاں من کہ من ءَ مرچی اجازت بہ کن ئے
دستونک
مُرتگاں من کہ من ءَ مرچی اجازت بہ کن ئے
میّت ءَ زور ئے منی کَل ءُ کسارت بہ کن ئے
گُڈی دیدار ءَ منی بلکیں مئیت اِیں شاری
دست ءِ مُندریک ءَ منی جاھے امانت بہ کن ئے
سر نہ سگّ اِیت منی ھچ وڑیں جاک ءُ کوکار
آستو آستو منی گوش ءَ شُما ھلوت بہ کن ئے
دست بنداں گوں وتی دوستءُ عزیزیں سیاداں
رب ءِ درگاہ ءَ بِر اِت رب ءَ آبادت بہ کن ئے
ما اگاں ھرچی کُتہ پہ وتی واستا نہ کُتہ
مئے اگاں دست ءَ ردی بوتہ ملامت بہ کن ئے
انچیں کارے کہ تئی دست ءَ نہ بوتہ آبد،
تو اگاں مھر ءِ کتاب ءَ را تلاوت بہ کن ئے
آبد سُلیمان