میر ساگر ءِ لچہ ۔ کسانی ءِ چندے یاد
کسانی ءِ چندے یاد
۔۔۔۔۔۔۔۔۔۔۔۔۔۔۔۔۔۔۔۔۔
زندگی چونیں قصّہ یے واجہ
ما نہ فہم اِت ، نزانت ہچ کَسّا
وہد مشگول بِی جِناساں گوں
روچ کہ مُہر بی سر ءِ بان ءَ
واتر انتیں ہزار مخلوقات
لُوڑ کہ چِست بِی، مرو دیما
نیمروچاں مہ جل پہ ہمراہاں
سنگ بئے مردمی گْوزئے کَٹّ ءَ
دْرچک ہم مرد اِت اَنت مئے ڈؤلیں
اے پہ ہمراہاں جلّ اِت اَنت واجہ
سبز دیدگ ملائکی چُکّ اَنت
مارا مئے بَلّی ءَ ہمے گُشتہ
سُہر بِی آزماں ، بِزاں ساگر
بے کسے بے گُنہ کُشگ بیتہ
میرساگر