***میزان میزان ءَ مِرئے*** شھاب اکرم ۔ رجانک
***میزان میزان ءَ مِرئے***
پابلونرودا /// شھاب اَکرم
(اِے رجانک چمّگ ءِ انوگیں تاک ءَ چھاپ بوتگ۔)
تو اگں سئیل ءُ نداراہ مہ کنئے
ءُ مہ وانئے
زندءِ آوازاں وتی گوش مدارئے
وتا دلبڈّی مدئے یے
میزاں میزانءَ مرئے
وھدئے وتی ھستیءِ پاگءَرا ببوجئے
مئیلئے کسّ کہ تی کوپگءِ بار ءَ را بکنت کمّے سُبک
میزاں میزانءَ مرئے
وھدئے بندیگّ ببئے آدت ءُ ہیلانی وتی
ہچ وڈیں نوکی میارئے وتی دابانی تہا
ءُ مہ پوشئے وتا وڈ وڈیں رنگانی تہا
رھگوزی مردماں گوں ساھتے دیواں مہ کنئے
میزاں میزان ءَ مرئے
وھدئے باھنداں وتی مئیلئے ترا وشّی ءُ شاتے بدیاں
ءُ ہمیشانی زِریں جزبگاں اوں
کہ درپشین اَنت تی چمّاں مدام
ءُ تی دل پَدا درک درک کَنت اِنت
میزاں میزان ءَ مرئے
تو مبئے دلجم وھدئے
گوں وتی محبت ءُ روزگارءَ اگں
ءُ پدا زندءَ وتی تو مہ کنئے مَٹ ءُ بدل
تو اگں دل بہ جنئے دیم ءَ شکست ئیگ ءَ وتی
واباں معنا مہ کنئے
سرجمیں زندءِ پڑا یکبرا اوں
مئیلے جندا تو وتی
کہ بہ بیت آجو چہ درئیں
سوج ءُ سراں راستبندیں