نگد پرچه به بیت ؟

مولابخش رئیسی

نگد زند ءِ آدینک انت ، البت ماتیو ارنلد ( Matthew Arnold ) گوش ایت لبزانک ( ادبیات ) زندءِ آدینک انت . بلے اے منی جرند ءِ لیکه انت که نگد زند ءِ آدینک انت . پرچه نگد به بیت ؟ ، نگد یک کارے ءِ یا ساچشتے ءِ تهاریں پهناتاں رژنا کنگ ءِ نام انت .
نگد ءّ هر کس سگٌ ات نه کنت ، بلے نگد شرٌیں رهشونی دات کنت . اے گپ ءّ گوں هر کس تپاک بیت کنت . چه نگد ءّ هزوکیں مردم نزوریں مردم یا ساچشتکار بیت کن انت . یک چارگردے ءّ نگد مه بیت آ چاگرد مرتگیں چاگردے ، اے باندات ءّ نیچه ( Nietzsche) گوش ایت ‌: یک تواریں چاگرد مرتگیں چاگردے ، چاگردے که ماں آئی ءّ یک تواری به بیت آ چاگرد دیمروئی ءّ چے زبهرانت . یک تواری گروناکی ( دیکتاتور) ودی کنت . هر انسانے که سباه ءّ چه واب ءّ پاد کئیت ، یکرندے المٌ ءّ وت ءّ ماں آدینک ءّ چارایت ، وتی برٌ ءُ گاٹ ءّ پلگارایت ، پرچه که اگاں اے کارءّ مه کنت ، بے پلگار ءُ کچینبکیں مردمے زانگ بیت . گڑا چاگرد آئی ءّ بے پلگاریں مردمے زانت . نگد هم آدینک ءِ کارءّ کنت ، مردم ءِ نزوریاں پیش دارایت ، چه نگد ءّ نوک ءُ پلگاریں راه ودی بنت . نگد سوهویں رهشونے ، نگد ءِ وجود زندگیں چاگردے ءِ درنگازی ءّ کنت .