چو سرگوات ءِ تب ءَ منزل روان اِنت
دستونک
لیاقت امین
چو سرگوات ءِ تب ءَ منزل روان اِنت
کپوتے آزمان ءَ بل روان اِنت
گُباراں چاڑ بیت نمبیں نگاہے
زری چولے پہ ہاک ءُ گل روان اِنت
بہ باں بلکیں من جی شاہ ء ولایت
وتی لوگ ءَ چے مرچاں دل روان اِنت
بلائیں جنگلے دو سئے چراگاں
شپ ءِ ماندارگ ءَ جاہل روان اِنت
تہاری زیمریں یاتے شبین ایت
ہما دروازگ ءَ کاتل روان اِنت
وتی پادانی بوجیگ ءَ سواراں
امین ہرجاہ رواں ساہل روان اِنت