منا بیهار دئے مُلک ءَ بـَرئے تو
مسلمان ئے په کِرد ءَ رَسترئے تو
تئی ریش و نمازاں چے کناں من
که پولنگے په راج و دپترئے تو
هزاراں هون اِت گردن کرتگ ملا
سَرئے دیه ءَ،په شیطان رهبرئے تو
گُلام ئے تو تماه ءِ ،هوڈ و کمزانت
نزان ئے دَؤر و مردم ، بے سَرئے تو
منی مُلک و منی هَند و منی ڈیه
هزاراں سرمچارءِ سَه گِرئے تو ؟
سَدانی پَئؤج و بَدکار ما لـَپاشتگ
سَدانی ما وداریں ، هلگرئے تو
بزان کہ ملک بلوچانی ، بلوچ په
نه بُرتگ نے کسے و نے بَرئے تو
اگں«تهل»ئے و زُلم ئے جان ءِ دُژمن
سگار انت هم بلوچ و هم دِرئے تو
کریم بلوچ – تـَهـل
20/03/2012