کے ءَ مرچاں مریدانی سر ءِ شیدائی پچ گپتگ
کے ءَ مرچاں مریدانی سر ءِ شیدائی پچ گپتگ
سرگ داتگ ھدایا مارا مئے سسائی پچ گپتگ
منی ماتیں وتن چو چاردھی ماہ ءِ وڑ ءَ بوتگ
کجام بدواھاں باریں تئی گلیں رژنائی پچ گپتگ
کجام راج ءَ بہ گوش پہ برھنگی کت دیمروی بژن انت
اے کوریں زانگ ءَ زاناں کہ تئی دانائی پچ گپتگ
او تولگ میر روباہ ءِ چہ بیمّ ءَ تو جگر ترک ئے؟
بہ گوش تئی لبّ ءِ دیناں چنت گلیں ورنائی پچ گپتگ
اڑے برجان کے زانت اِنت تو پرچے کش ئے سارتیں آہ
گماں راج ءِ دوئیں چمانی تئی رژنائی پچ گپتگ
برکت برجان ھوت