دستونک
زاھدہ رئیس راجی

پدا راہ ءِ سرا دیوال مکیں
ھمک پند ءِ دل ءَ سد سال مکیں
pada raah e sara diwwal mekken’
hamok pande dela sad saal mekken’

کجام زند ءَ وتی توشگ نہ لوٹیت
پہ  ھر یک توشگ ءَ جنجال مکیں
kujaam zend a wati toushag nalouTit?
pah har yak toushaga janjaal mekken’

اگاں دیوانگاناں سار لکئے
چتو کبرے سرا پہوال مکیں
agan’ deywanaganan’ saar lekke
chito kabre sara pahwaal mekken’

کنانئے  پرچیا سجدہ بہشت ءَ
دل ءِ  دروازگ ءَ اعمال مکیں
kanane parchiya sujdah baheshta
del e darwazaga aAmaal mekken’

منی زانوگراں ھچ ھم نہ گواھت
پمن پرچا ھزاریں ھال مکیں
mani zaanougaran’ hech ham nagwa,et
paman parcha hazaaren’ haal mekken’

بچارئےاُرتی ءَ دستونک ءِ دوچ ءَ
تناب ءِ ساھگ ءََ کپ نال مکیں
bechaare ortiyaa dastoonk e doucha
tanaab e saahega kapnaal mekken’

اگاں چم ءِ دل ءَ کول ءُ کرارایں
چیا لُنتاں ودار ءِ گال مکیں
agan’ chamm e dela kol o kararen’
chiyaa lunTaan’ wadaare gaal mekken’

زمین ءِ چم شوہازایت بانگواہ ءَ
کجام جاہ  ءَ شپ ءِ استال مکیں
zimmen e cham shohaazit baangwah a
kujaam jah a shap e estaal mekken’

ھمک گوستے، وتا واتر کنان انت
تؤ ھرچے کُت ھما اوبال مکیں
hamok gwastay wata watar kanan-ent
tao harchey kot, hama oubaal mekken’

مں چم دیست ءَ چتو راجی مہ لکّاں
منی گوشاں گوشئے چیہال مکیں
ma’ cham distan’ chito Raji malekkan’?
mani goushan’ goshay  cheyhaal mekken’