ہماں لھمیں غم انت لالئے
لواری مان کاینتیں
ہماں ڈیہئے غم انت کہنیں
ہمانہنت بوّریں لوری
لواراں گیش پیلوشنت

ہمے کل نئیں کہ چےئا پھ
جہاں شیثیں
مبارک باث
مرشی سال نو بیثہ

ہماں مئے لاندویں مونج انت
ہماں مئے لاغریں ڈیل ایں
ہمانہنت مئے دراژیں شف
گہیں بام و سباہانی
ہماں مئے مڑدغیں ھیل ایں

ہمے کل نئیں کہ چےئاپہ
جہاں شیثیں
مبارک باث
مرشی سال نو بیثہ

ہماں تانہہ آفی ایں ڈیہا
ہماں ھشکیں کشارنت مئے
کہ اوچیڑا ہمانہیں
دانڑتی
وھشیں رغامانی
ہماں زِلّھیں ودارنت
مئے

ہمے کل نئیں کہ چےئا پہ
جہاں شیثیں
مبارک باث
مرشی سال نو بیثہ

ہماں ماخوں
ہماں قہریں گواث انت واچھڑ انت دانی
ہماں بے اولہیں جاہ انت

ہمے کل نئیں کہ چےئا پہ
جہاں شیثیں
مبارک باث
مرشی سال نو بیثہ

وقار بزدار