اوشتاتہ کسے اُمر ءِ شِترناکیں ھِسار ءَ
دستونک
سمین زیب
اوشتاتہ کسے اُمر ءِ شِترناکیں ہسار ءَ
سمین زیب
اوشتاتہ کسے اُمر ءِ شِترناکیں ہسار ءَ
آواز دنت روچاں کہ بِیا اِت پہ منارا
دروازگے ءِ بْرمش کپان اِنت تئ گوشاں
رُژنائیں چو اُمّیت ءَ منی واب ءِ کنارہ
ترّان اِنت زمیں لانٹی ءِ داب ءَ, ءُ زمانگ
اسپیت کنان اِنت تئ متراسی ئیں شار ءَ
الّم وَ نہ بیتہ تو بہ نندئے ءُ بچارئے
ہر چیز بہ ترّ اِیت ءُ بہ مٹّ اَنت ندارہ
بے سار بہ بیت گْوات شراباں گوں سبا ءِ
اِے زُلپ پرا زُلپ بہ لگّ اِیت منارا
ھشتاد بر ءَ زیب نِیام ءَ چہ در اتکگ
یکرندے کُتہ واجہیں ھاوند ءَ اشارہ