اے آگھی ماں وتی اندر ءَ ٹَھینتہ وت
دستونک
اے آگھی ماں وتی اندر ءَ ٹَھینتہ وت
من واب زُرتہ گم ءِ درچکے ءَ اڑینتہ وت
نزاناں چون وتی پیژگاہ ءَ واتر باں
اے کوشءَ بُرتہ منءَ جاگھے رسینتہ وت
مئیت کس منی پروشتگیں نوں کمپان ءَ
تئی بے وپائی ءِ ٹپاں کہ دل کُدینتہ وت
نزاناں من نوں کجام درد ءِ دامن ءَ گریواں
من چورھے آں چُشیں مھروان نہ دیستہ وت
داں اُمرے ءَ من تئی گلّہ ءَ کناں آبد ،
تئی انتزار ءِ چراگ ءَ وت ءَ بلینتہ وت
آبد سُلیمان