بلوچی تامر۔ اولی بھر ( Leyari a Prison Without The Wall)
بلوچی تامر ( Leyari a Prison Without The Wall)
مولابخش رئیسی ( اولی بهر )
اگاں اے تامر ءِ وهد چارگ به بیت گڑا گوشت کنیں گونڈیں تامرے . بلے ، گونڈیں تامر چی ے ؟؟ کجام تامر گونڈ یا دراجیں تامر گوشگ بیت . ایران ءِ نامداریں مزن شهدربرجاه ءِ استاد ڈاکٹر احمد الستی که وت تامر ساچی وانین ایت گونڈیں تامرءِ باندات ءّ ۷ ڈکٌ بادین ایت ، آ گوشیت ” هر گونڈیں کسهٌ ءّ گوں گونڈیں تامر ساچگ نه بیت . گوںڈیں تامر ءِ بند ءُ بوگ ( Structure ) چوش انت ۱- یک یا دو درےٌ ( Sequance) به بنت
۲- کارستے یک یا دو به بنت ، البت بُندری
۳- شریں آزمانکے په گونڈیں تامرےءِ ساچگ ءّ
۴- وهد ءُ جاه “” وهد یکیں وهد به بیت ، جاه دگه به بنت پروگے نیست
۵- یک هالورے به بیت ( Single Event )
۶- آسر گڑ منج به بیت ( Twist )
۷- یک بُندری پگرے به بیت ےٌ
اگاں تامرءِ ته ءّ چه دو یا یک درے ءّ ( Sequance) گیشتر آرگ لوٹ ایں ، گڑءّ گهتر همیش انت که در هوار کنگ بنت ءُ گوست ءُ ( Flash Back) آیوکیں وهد ( Flash Forward) آرگ به بنت اے دوئیں دروشمانی کارمرزی ّدراں (Seqance) نه پروش انت .
اے هپت ایں ڈک که دیگ بیت انت ، هپت گونڈیں تامرءِ درور آرگ لوٹاں
۱- Black Hole
۲- Doodle Bug
۳- Ten Step
۴- Man With Out Head
۵- A dark Light Place
۶- The Papers Memory
۷- 27 Room
هنیٌ گپ ایش انت که اے تامر نه مُرگے ننکه اشترے ، چو اشتر مُرگ ءِ کاپ ءّ نه بال کنت ننکه بوجه زیرایت . گوش انت کسه اے که بازیں شاهل ےٌ به بیت ، آ کسه یا آزمانک ءّ په گونڈیں تامرءّ گچین نه کن انت . کسه اے که تهنا یک هالورے ءِ ( Event ) باندات ءّ هبر به کنت په گونڈیں تامرءّ شرانت . اے تامرءّ اول وّ من به گوشاں که جوانیں تامر سیاهگے ( Screen Play) نیست انت ےٌ که مردم آئی ءِ باندات ءّ هبر به کنت . اے تامرءِ سیاهگ پهک ءّ مانگیشتگ ، سوجکار وت هم نزانت چے بیگ ءّ انت . کسه کشکی کسه اے ، نوکیں تهرءّ نبیسگ نه بیتگ ، بلے گڑمنح انت ءُ لوٹیت ما رءّ چے به گوشیت . ما اے نزانت اے ورناهیں کارست که تامر آئی ءِ زندمان ءِ سرءّ ٹاهینگ بیتگ ، چے داب ءّ شریں لیبی ے ، پرچه پاکستان ءِ راجی ٹیم هاترءّ گچین کنگ بیتگ . هچ دابیں سرپدی ے چاروک ءّ نه دات .
اے تامرءِ سیاهگ ءّ سئے شاهل هیت انت بزاں سئے کارستانی باندات ءّ هبر کنگ ءّ انت . ۱- ورناهیں کارست ۲- آئی پت که نامداریں لیبی ے بیتگ ۳- آئی ءِ مات که شیمک ءِ نادراهی ءِ آماچ انت . بزاں سئے هالورانی باندات ءّ هبرءّ انت . که چوشیں کسه په گونڈیں تامر ءِ تامر ٹاهینگ ءّ شر نه انت ، اے کسه بایدانت دراجیں تامرے پئیم به بیت . درستاں مستریں گپ ایش انت که گونڈیں تامر کسه نه جنت . تامر لیاری بتدیجاهے بے ڈیوالیں “” یک دراجیں کسه اے که گونڈ کنگ بیتگ .
اے کسه ءِ سئے شاهل انت که شری ءّ پریسگٌ نه بیتگ انت ۱- بُندری کارست ءِ پت مُستل انت ، اے مستل کے انت پرچه نامداریں لیبی ے بیتگ اے کارست ءِ پُشتدر گارانت . بلکیں لیاری ءِ وهدءِ جهمنند بزان انت مُتل کے بیتگ ، بلے نوکیں پدریچ وّ نه زان انت مُستل کے انت ، دگنیا ءِ آ دگه بلوچ هم مُستل ءّ نه زان انت . باید وّ همیش ات مُستل ءِ پُشدر گیشینگ بیت ایں .