بے باوريں دل. کریم بلوچ تھل ءِ پربند
بے باوريں دل
مـَـهكان ءِ پـَجّـی ءَ
بهار ءِ مـلپدان
همــكوپگ ءَ رواں
بـَامـگواه ءِ سير انت مرچی !
ڈيوا ،
جنجشك و بلبلانی گـُـٹـاں چه روك بنت
پُـلانی زيمل و سازاں گوش كناں
آپريچ ءِ چه توار
آسكانی پاد ءِ ناچ ،
جنگل و باگانی وَشّیو گـَل انت
سَمين ءِ من ودار ءَ
اميت ءِ سيمسر ءَ
من دوستی ءِ تَـياب ءَ
زِرد ءَ گوں نشتگاں ،
بامگواه ءِ كندگاں
دوراں چه اشكناں
بے باوريں دل ءَ من دير انت كه يَـل كتگ … !
كريم بلوچ _ تهل
31/05/09