تو نّیمروچءِ گُباراں بُو، شپءَ من ساهگے، پیچاں
دستونک
تو نّیمروچءِ گُباراں بُو، شپءَ من ساهگے، پیچاں
تو دَزمالے بُدوچ پہ من، من پہ تو واهگے، گیچاں
بِہ نِند دیمءَ چراگانی بوان شعراں منی هرشپ
من پِگرءَ شائرے زُوراں، من لبزان گونگے گیچاں
بیا سَہتے بّجَل گوں من، وتئ سرجم کناں عِشقءَ
تئی لُنٹانی رَنگءَ من، وتئی لُنٹءِ سرا ریچاں
منی تّبدیں دیار بےتو ، لوار سُچیں گُشئے مرچاں
تو سسّیءِ منی چمّان، من بریانیں تئ کیچاں
منی اُمرئے ودارانی اَزابیں روچاں آسر کن
بّیا وعده کناں گوں تو ، تئ راہاں پُل من ریچاں
اسحاق اے زِندمان جنگاں پّتاتہَ تَندےءِ رَنگءَ
بہ کندان یا بہ گریوان من، یا جنگءَ گوں وتا پیچاں
اسحاق فدا