زندگی مڑاھانی پُرْشتگیں کلاتے بس
دستونک
شائر: ناگمان مِیاہ
زندگی مڑاھانی پُرْشتگیں کلاتے بس
شائر: ناگمان مِیاہ
زندگی مڑاھانی پُرْشتگیں کلاتے بس
عھد ءِ پاد ترْاپانی کس ملیکیں یاتے بس
عُمر ءِ کدہ ءَ لھتیں تھلیں گُٹ وارتگ بس
رُوچ پُھل بنت نُک ءَ شپ مُجیں سراتے بس
مِھر انچیں بے تامیں لبزے ءَ چو پشت کپتگ
دوست کُنٹگے پاد ءِ برات جُھلیں چاتے بس
ما چو مُھرگ ءِ پیم ءَ جلوہ ءِ کٹور ءَ ئیں
دزگھاریں بیگاھاں نشتگ ءُ کماتے بس
ناگمان انسانے رد مہ وارت چو چوں بیت
دروگ بست آدینک ءَ نِشت وتا گلاتے بس