شیرجان شوہاز ءِ دستونک
چو اگں تو گُشے شوک اَنت، تئی خمارہ شوک اَنت
چونا تئی چم ئیں مئے چماں ئیں ندارہ شوک اَنت
موسیقی ئے تئی ھاموشیءِ سبزیں دیوال
ھورکیں جلوہ تئی تمبوریں توارا شوک اَنت
اینچو نزیکءَ میا یار! تماشہ کُٹیت
دور دورءَ تئی دابانی ستارہ شوک اَنت
شوک تئی زُلفاں، سریگے، ءُ تئی آستیگاں
مئے اگں شعر کہ شوک اَنت تہ گُزارہ شوک اَنت
مُورک مُونجینگءِ بستار اگں زیبا، بلے
تو بہ کند، یار! تئی لُنٹءِ کنارہ شوک اَت
اینچُکءَ دست ئِے سُرینتہ، ءُ پدا ما زانتہ
تئی ستارہ کے تہا کپتہ ستارہ شوک اَنت
نشتگ ئے مَکّءَ منی چمءِ برابر دیما
اف سدّکہ اے منی چماں دوبارہ شوک اَنت
چُکی لَنکک کدی زُلفءَ اِنت، کدی بُرواں بُرز
من نہ گُشتہ بلے تئی یار اشارہ شوک اَنت
شیرجان شوہاز