شیگوستہ دوشی ملنگے تئی لوگ ءِ پیژگاہ ءَ
دستونک
شیگوستہ دوشی ملنگے تئی لوگ ءِ پیژگاہ ءَ
کہ ارس گوار اِیت ھمک سُھب تئی ودار جاہ ءَ
گلّگ کُتہ گوں ھُدا ءَ من نشتگ آں دوشی
کہ درد ءِ کُوش نہ کَش اِیت چے ءَ نوں بیگاہ ءَ
جھان ءَ تژن جَتگ زی ترا دل ءِ سیر ءَ
تی آشک ءَ را بچار کپتہ نادراہ جاہ ءَ
تئی زھیر ءِ ھمک شپ نہ بنت بے مانا
من چینچو شئر نبشتہ کُتگ داں بامگواہ ءَ
اے آبد اِنت کہ وتی ھادتاں چہ مجبور اِنت
تی گماں گوں مدام میچلین اِیت سرجاه ءَ
آبد سُلیمان