لچہ ۔ دریا۔ نسیم سبزل
دریا
دریا تئی زیبائیءَ کلیں جهان شیدا کتہ
دیگر تئی لُنٹاں رجیت گوں لالیاں
زیبا ئے تو
دریا پہ تو شعرے گوپاں
راہی کناں گوں شانتلاں
دریا تئی زهیریگےءِ برمشاں دل اوں بیگواه بیت
دریا ملاریں کندہاں زیبا کنئے تو هر شپءَ
دریا تئی هاموشی ءَ کلیں جهان زرتہ سرا
دریا تئی ساپ کاریءِ توسیپ نہ بیت
کاڑ مهنو ایں هر بیگاهءَ
تئی زیارتءَ رمبان باں
چولاں تئی دروت گر انت
بے هاجت ئے چہ هاجتاں
دریا تئی دریا ایں تب مَٹ نہ بیت
کس نہ زانت هچبر تئی رازاں دلءِ
راز داریءَ تئی مٹ نیست
دریا بلے گوں تو مِڑءَ هچ کٹ نیست
نســـــیم ســـــبزل