منی بازار ءَ بچکندے نہ گواہ اِیت
منی بازار ءَ بچکندے نہ گواہ اِیت
آبد سُلیمان
منی بازار ءَ بچکندے نہ گواہ اِیت
ابیتکی مان ریتکہ چاریں نیم ءَ
منی پیژگاہ ءِ مُرگاں کُت گلّگ ھم
منی دمبرتگیں ارواہ نہ سَگ اِیت
ندارگ انچو گیمرتگ دلانی
نہ گند اِیت واب ھر شپ سنگتانی
کپوتی کوکویے گوشان ءَ نہ کپتگ
مُراد ءِ ڈول مرچاں بے توار آں
گُلاتون جاک ءُ کوکار ءَ چہ کپتگ
رسولُک ماھیگ ءَ کور ءَ نہ روت اِنت
نہ زان آں چونیں ھلّتے کپتگ
منی بازار ءَ بچکندے نہ گواہ اِیت
نوں شپ اتکہ کہ چاردہ ءَ چہ رستگ
بلے کسّہ نہ جنت انت ماسی مریم
ھُدا اِنت بس منی یکیں ھُدا اِنت
بلے باریں چے ءَ گوں من گلاہ اِنت
نہ بیت گوں من اد ءَ نندگ ھُدا نوں
اد ءَ دمبُرتگیں ارواہ نہ سَّگ اِیت
منی پیژگاہ ءُ میتگ سک ابیتک انت
منی بازار ءَ بچکندے نہ گواہ اِیت،،،