پہ شَھمےءَ زَراں اَتاں، گوں گْواتءَ سَرگِران اَتاں۔ اسحاق فدا ءِ دستونک
دستونک
پہ شَھمےءَ زَراں اَتاں، گوں گْواتءَ سَرگِران اَتاں
داں راهءُ دَر نہ مّٹ اِتاں، من زِندگی روان اَتاں
اے دْرچک گِریوگءَ اَتاں، کہ دَستءُدِل اَڑان اَتاں
اے کِشکءَ کَسے اَتکگ اَت، کہ تْروّلی نِشان اَتاں
اَبیتکی اَت، مُلوری اَت، داں چمّاں دُور کارکُت
اے گِلہانی گَرنچے اَت، هُداءَ گوں کنان اَتاں
گماں گوں بار گپتگ اَت، کہ تَہنا دُور نِشتگ اَت
وتا گوں چیرءُ سر مُدام من ساھگءَ مِڈان اَتاں
تو ھنچو گوں من پیڑاِتیں بہ پہمیتیں منا پَدا
تو مُرگے بُو اے ساھتاں من جَنگلے ٹھاں اَتاں
نہ سَھڑاِتاں گوں لیلواں، من گُژنءِ گرانیں ساہتءَ
من سِنگ ءُ گِل ڈَلاں اَتاں، من آس هم چَران اَتاں
اے جَنگ اَنگہ بَرجم اِنت ماں راستءُدْروگءِھاجتاں
آ بےگُناه کُشان اَتاں، من بےگُناه مِران اِتاں
نَزاَنتءَ چو یلہ کناں منءَ وتئی کَسءُ عزیز
همئے کہ مارا دوست اَتاں، همے اوں بےزبان اَتاں
اسهاک من وا دیم دات پہ سانگءَ کاسِدے پّتو
نہ زُو منا تئی مردماں، من ھَنچو دِلگران اَتاں
اسهاک پدا