چہ تو پَد پَشت نہ کَپت کول ءُ کَرارے پہ من
چہ تو پَد پَشت نہ کَپت کول ءُ کَرارے پہ من
بیا کہ تئ یات گُشے لِیڑئی بارے پہ من
اے گِلگ بَلکن ءَ باندءَ دِگِے رنَگے بیارایت
تیوگیں اُمر ءَ نیتک سبزیں بهارے پہ من
داں همائیں تو منا دُروهتگ راه ءِ نیم ءَ
زندگی گَرم ءُ جلیں تَبد ءُ لِوارے پہ من
سوتک آجوئی ءِ نیمونءَ توامیں مِیتگ
نیکہ پَشت کَپت گِسے نیکہ ڈگارے پہ من
مُپت ءُ ناهکیں گَمے کَپت منی چَکءَ اِزت
بوت هَنکین منی سیہ سریں مارے پہ من
ازت ابدال